2Atha 23:36 - ÎVUKU RÎA ÛVORO MWARO

³⁶ Jehoiakimu aarî na ûkûrû wa mîaka mîrongo îîrî na îtano (25) rîrîa aatuîkire mûthamaki wa Juda, na nîwathanire arî Jerusalemu îvinda rîa mîaka îkûmi na ûmwe (11). Ng'ina eetagwa Zebida, mwarî wa Pedaia, kuuma îtûûrarî rîa Ruma.

2Atha 23:36 ပူးပေါင်းရင်းမြစ်များ

1Maû 3:15

Josia aarî na avîcî ana: Jonathani, Jehoiakimu, Zedekia, na Joahazu.

2Maû 36:5

Jehoiakimu aatuîkire mûthamaki wa Juda arî na ûkûrû wa mîaka mîrongo îîrî na îtano (25) na nîwathanire arî Jerusalemu îvinda rîa mîaka îkûmi na ûmwe (11). Nîwekire maûndû macûku mbere ya Ngai-Mûnene, Ngai wake.

Jeremia 1:3

Ndûmîrîri îo nwa yamûkinyîre rîngî, Jehoiakimu mûvîcî wa Josia arî mûthamaki wa Juda. Jeremia nîwathiîre na mbere gûkinyîrwa nî ndûmîrîri îo nginya mûthiiarî wa mwaka wa îkûmi na ûmwe Zedekia mûvîcî wa Josia arî mûthamaki wa Juda, nginya mweri wa gatano wa mwaka ûrîa andû a Jerusalemu maavirirwe îthamîriorî.

Jeremia 22:18

“Kwoguo ûvoro wîgiî Jehoiakimu mûvîcî wa Josia mûthamaki wa Juda, Ngai-Mûnene arauga atîrî: Gûtirî mûndû ûkaamûcakaîra akiugaga, ‘Ûûi mûrwaiya! Kana ûûi mwarwaiya! Gûtirî mûndû ûkamûrîrîra akiugaga, Ûûi mwathi wakwa! Ûûi mûthamaki wakwa!’

Jeremia 22:19

Ke akathikwa ta mvunda, agakururua na aikue nja ya mîîrîga ya Jerusalemu.”

Jeremia 26:1

Vîndî îrîa Jehoiakimu mûvîcî wa Josia ûrîa warî mûthamaki wa Juda ambîrîrie kwathana, Ngai-Mûnene nîwerire Jeremia atîrî,

Danieli 1:1

Mwaka wa kathatû Jehoiakimu arî Mûthamaki wa Juda, Nebukadinezarû, Mûthamaki wa Babuloni nîwatharîkîre îtûûrarî rîa Jerusalemu na akîrîthiûrûrûkîria.