2Atha 23:29 - ÎVUKU RÎA ÛVORO MWARO

²⁹ Vîndî wa îo Josia aarî mûthamaki, Neko, mûthamaki wa Misiri nîwathiîre rûnjîrî rwa Farati gûtethereria mûthamaki wa Asîria. Mûthamaki Josia nîwathiîre kûrûa nake; nwatî mûthamaki Neko nîwamûragîre mbaararî kûu Megido.

2Atha 23:29 ပူးပေါင်းရင်းမြစ်များ

1Atha 4:12

Baana, mûvîcî wa Ahiludi aathanaga matûûra marîa manene ma Taanaki, Megido na Bethishani kuonthe kûrîa kwarî vakuvî na Zarethani, îrîa îrî mwena wa îveti wa îtûûra rîa Jezireeli, na kuuma Bethishani nginya Abeli-mehola na mwena ûcio wîngî wa Jokimeamu.

2Atha 14:11

Nwatî Amazia ndeegua ûguo. Kwoguo Jehoashi mûthamaki wa Isiraeli nîwathiîre marî na athigari ake na makîrûa na Amazia mûthamaki wa Juda. Maarûîre vandû vetagwa Bethi Shemeshi kûu Juda.

2Atha 14:8

Amazia nîwacokire agîtûma anjaama kûrî Jehoashi mûthamaki wa Isiraeli akîmwîra atîrî, “Ûka twonane.”

2Atha 22:20

kwoguo ndikaaverithia Jerusalemu wî mwoyo. Nîngaamba gweterera ûkue na thayû.” Andû acio nîmaacokerie mûthamaki Josia ndûmîrîri îo.

2Atha 23:28

Maûndû mengî monthe marîa Josia eekire nîmandîke Îvukuurî rîa Maûndû ma Tene ma Athamaki Juda.

2Atha 24:7

Mûthamaki wa Misiri ndaauma rîngî vûrûrirî wake, nîûndû mûthamaki wa Babuloni nîwocete vûrûri wonthe ûrîa warî wa mûthamaki wa Misiri, kuuma karûnjîrî ka Misiri nginya rûnjîrî rwa Farati.

2Atha 9:27

Rîrîa Ahazia, mûthamaki wa Juda oonire ûguo, nîwaûrire erekerete mwena wa Bethi Hagani. Jehu nîwamûrûmîrîrie na akîra andû ake mamûûrage. Nao nîmaamûrathire arî gîkaarirî gîake Kîam mbaara athiîte Guri arî vakuvî na îtûûra rîa Ibuleamu. Nwatî nîwaûrîre Megido, îtûûra rînene na agîkuîra kuo.

Mûvunjia 8:14

Kûrî ûndû wa mana wîkîkaga gûkû nthî. Andû arîa athingu nîmekagwa maûndû marîa magîrîrwe gwîkwa andû arîa aganu, nao andû arîa aganu mageekwa maûndû marîa magîrîrwe gwîkwa andû arîa athingu. Ûcio wanaguo nî ûndû wa mana.

Jeremia 22:10

Andû a Juda mûtikarîrîre mûthamaki Josia kana mûmûcakaîre. Nwatî rîrani na vinya nîûndû wa mûvîcî Joahazu, nîûndû ndagaacoka rîngî kwona vûrûri ûrîa aaciarîrwe.

Jeremia 22:11

Ûvoro wîgiî Joahazu, mûvîcî wa Josia mûthamaki wa Juda ûrîa watuîkire mûthamaki vuva wa îthe Josia, na waumire gûkû akîthiî, Ngai-Mûnene arauga atîrî, “Ndagaacoka gûkû rîngî,

Jeremia 22:12

nwatî agakuîra vûrûrirî ûrîa avirirwe atavwa na ndakoona vûrûri ûyû rîngî.”

Jeremia 46:2

Ûvoro wîgiî Misiri: aaugire atî, athigari a mbaara a mûthamaki wa Misiri arîa marî vakuvî na Karikemishi vakuvî na rûnjî rwa Farati, arîa Nebukadinezarû mûthamaki wa Babuloni aavotire mwakarî wa kana wa wathani wa Jehoiakimu mûvîcî wa Josia, mûthamaki wa Juda. Ngai-Mûnene augîte atîrî:

Jeremia 46:6

Arîa marî îvenya mativotaga kûûra, wana athigari njamba matingîvota kwîthara, mwena wa rûgûrû wa rûnjî rwa Farati, nîavîngîce na makagwa.

Ezek 19:1

Ngai-Mûnene nîwambîrire mine rwîmbo rwa macakaya nîûndû wa atongoria a Isiraeli

Zakaria 12:11

Vîndî îo Jerusalemu nîgûkaagîa na kîrîro kînene wata kîrîa Kîamrîrirwe Hadadi Rimoni vûrûrirî ûrîa mwaraganu wa Megido.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

Josh 17:11

Mavûrûrirî marîa maagaîrwe Isakaru na Asheri kwarî na matûûra manene na icagi irîa ciarî vakuvî namo na maagaîrîtwe mûvîrîga wa Manase. Matûûra mau maarî: Bethi Shani na Ibileamu, Doru (rîrîa rîrî rûtere rwa îria), Endoru, Taanaki, Megido, vamwe na icagi irîa ciarî vakuvî namo.

Kûguû 16:16

Nacio ngoma nîciaretire athamaki vamwe vandû vetagwa na rûthiomi rwa Kîyahudi Arimagedoni.

Atir 1:27

Andû a mûvîrîga wa Manase matiengata andû arîa maatûûraga matûûrarî ma Bethisheani, Taanaki, Doru, Ibileamu, Megido, na icagi irîa ithiûrûrûkîrîtie matûûra mau, nwatî Akanaani nîmaathiîre na mbere gûtûûra vûrûrirî ûcio.

Atir 5:19

Athamaki nî maaûkire na makîrûa mbaara, athamaki a Kanaani maaûkire na makîrûa. Maarûîre Taanaki vakuvî na karûnjî ka Megido; nwatî matiatava wanarî sîlûva.