2Atha 23:26 - ÎVUKU RÎA ÛVORO MWARO

²⁶ Nwatî kûnarî ûguo, Ngai-Mûnene ndaathiria ûrûrû wa marakara make nîûndû wa Juda, marîa maaumanîte na ûrîa mûthamaki Manase eekîte.

2Atha 23:26 ပူးပေါင်းရင်းမြစ်များ

2Atha 22:13

“Thiîni mûkaûrie Ngai-Mûnene vandûrî vakwa, na vandûrî va andû onthe a Juda ûvoro wîgiî mandîko ma îvuku rîîrî rîronekire, nîûndû Ngai-Mûnene nîmûrakaru mûno nîtue nîûndû methe metû matiavingia maûndû monthe marîa matwîgiî kûringana na ûrîa îvuku rîîrî riugîte.”

2Atha 24:2

Ngai-Mûnene nîwacokire agîtûma ikundi cia andû marî na indo cia mbaara kuuma Babuloni, Sîria, Moabu, na Aamoni mathiî makerwe na Jehoiakimu na macûkangie Juda, wata ûrîa Ngai-Mûnene aaugîte na njîra ya ndungata ciake arathi.

2Atha 24:20

Ngai-Mûnene nîwarakarirue mûno nî andû a Jerusalemu na a Juda nginya akîmengata. Zedekia nîwareganire na mûthamaki wa Babuloni.

2Atha 24:3

Ngai-Mûnene nîke wathanire ûndû ûcio wîkîke kûrî Juda, nîguo athirie andû a Juda nîûndû wa mevia monthe marîa mûthamaki Manase eekîte,

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

2Maû 35:20

Mûthamaki Josia arîkia gwîka maûndû mau monthe nîûndû wa hekarû, Neko, mûthamaki wa Misiri nîwathiîre na athigari ake a mbaara makatharîkîre îtûûra rîa Karikemishi rîrîa rîarî vakuvî na rûnjî rwa Farati. Nake Josia nîwathiîre kûrûa nake.

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Ezira 10:14

Anene etû nîmarûngamîrîre andû arîa onthe magomanîte ava. Nao andû a matûûra monthe arîa mavikîtie aka ageni maûkage mavinda marîa mamûre marî vamwe na atongoria ao na acirithania kuuma matûûrarî mao nginya rîrîa marakara mau manene ma Ngai magaatûthengutîra.”

Jeremia 23:20

Marakara ma Ngai-Mûnene matikathira nginya rîrîa akethîrwa ekîte na akavingia wendi wa meciria make. Mûthiiarî, nî ûgataûkîrwa nîguo waro.”