2Atha 23:10 - ÎVUKU RÎA ÛVORO MWARO

¹⁰ Mûthamaki Josia nîwagwatirie Tofethi mûgiro vandû varîa vaagoocagîrwa ngai cia maveeni Kîamndarî Kîam njiarwa cia Hinomu, nîguo mûndû wa wonthe ndakaarutîre Moleku îtega rîa kûvîvua kûrî mwana wake wa mwanake kana wa mwîrîtu.

2Atha 23:10 ပူးပေါင်းရင်းမြစ်များ

1Atha 11:7

Solomoni nîwatumire vandû vatûgîru va kûgoocagîra Kemoshi, ngai îrîa îrî mûgiro ya Moabu, na vandû vatûgîru va kûgoocagîra Moleku, ngai îrîa îrî mûgiro ya Aamoni mwena wa îrathîro wa Jerusalemu.

2Atha 16:3

Nwatî eekire maûndû ta marîa meekagwa nî athamaki a Isiraeli. Wana nwa warutire mûvîcî arî îgongoona rîa îtega rîa kûvîvua kûrî mûvuanano, wata ûrîa andû a mavûrûri marîa Ngai-Mûnene eengataga maume vûrûrirî ûrîa andû a Isiraeli maatonyaga meekaga. Ûndû ûcio warî mûcûku mûno.

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Nehemia 11:30

na Zanoa, Adulamu vamwe na icagi irîa ciathiûrûrûkîrîtie matûûra mau. Nîmaatûûraga Lakishi na mîgûndarî îrîa yarî vakuvî, na Azeka na icagi irîa ciarî vakuvî. Kwoguo andû a Juda maatûûraga vûrûrirî ûrîa warî gatagatî ka Beerisheba na nginya Kîamndarî Kîam Hinomu.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 57:5

Mue mûgoocagîra ngai cia maveeni rungu rwa mîvuru yonthe. Mûthînjagîra ciana cienyu irî magongoona mîatûkarî ya mathiga.

Jeremia 19:2

ûcoke ûthiîcanie nao Kîamndarî Kîam mûvîcî wa Hinomu ûtonyerete mwîrîgarî wa Vigae. Wakinya kuo, wanîrîre maûndû marîa nîrakwatha.

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 19:6

Kwoguo menyani atî, mîthenya nîgûkinya rîrîa vandû ava vatagetwa Tofethi rîngî, kana vetwe Kîamnda Kîam mûvîcî wa Hinomu, nwatî vagetagwa Kîamnda gîa kûraganîra. Nînie Ngai-Mûnene nauga guo.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Ezek 16:21

nîûndû nîwacokire ûkîûraga ciana ciakwa ûkîiruta irî îtega rîa kûvîvua kûrî mîvuanano?

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 20:31

Rîrîa mûkûruta iveo cienyu na mûkaruta ciana cienyu irî magongoona ma kûvîvua, nîmwîgwatagia gîko mue ene na mîvuanano yenyu yonthe nginya ûmûnthî. Mue andû a Isiraeli, nwa mûrie ûndû kuuma kûrî Nie? Ngai-Mûnene augîte atî wata ûrîa ke atûûraga mwoyo, ndangîtîkîra mûmûrie ûndû.

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Gûco 18:10

Gatagatîrî kenyu gûtikethîrwe kûrî na mûndû wa wonthe ûkaaruta mûvîcî, kana mwarî arî îgongoona rîa kûvîvua. Gûtikethîrwe kûrî na mûragûri, mûndûmûgo kana mûringi mbûgû,

Josh 15:8

Nîwacokete ûkathiîrîra Kîamndarî Kîam Hinomu na mwena wa îveti wa kîrîma kîrîa gîatumîtwe îtûûra înene rîa Ajebusi rîrîa rîtagwa Jerusalemu. Mûvaka nîwacokete ûkathiîra kîrîmarî kîu îgûrû na mwena wa îthûîro wa Kîamnda Kîam Hinomu kinya mûthiia wa Kîamnda Kîam Refaimu.

Josh 18:16

Kuuma ithimarî cia Nefutoa nîwanyûrûrûkîte ûkathiî nthî ya kîrîma kîrîa kîgiritanîtie na Kîamnda Kîam Hinomu mûthiiarî wa Kîamnda Kîam Refaimu mwena wa rûgûrû. Nîwacokete ûkathiî mwena wa îveti ûvîtûkîrîrîte Kîamndarî Kîam Hinomu mwena wa îveti îtûûra rîa Ajebusi warekerete Enirogeli.