2Atha 22:14 - ÎVUKU RÎA ÛVORO MWARO

¹⁴ Kwoguo mûthînjîri-Ngai Hilikia, Ahikamu, Akibori, Shafani, na Asaia nîmaathiîre kûrî mûndûmûka ûmwe mûrathi wetagwa Hulida, mûka wa Shalumu, mûvîcî wa Tikiva. Tikiva aarî mûvîcî wa Harihasi. Harihasi nîke wamenyagîrîra nguo cia hekarû. Vîndî îo Hulida aatûûraga Jerusalemu, îtûûrarî rîa kaîrî. Nao nîmaaranîrie nake,

2Atha 22:14 ပူးပေါင်းရင်းမြစ်များ

2Atha 10:22

Jehu nîwacokire akîra mûthînjîri-Ngai ûrîa wamenyagîrîra nguo irîa nyamûre atîrî, “Ruta nguo icio nyamûre na ûnengere andû onthe arîa maûkire kûgooca Baali.” Kwoguo nîwarutire nguo icio nyamûre na akînengera andû acio maagoocaga Baali.

2Atha 22:15

na nîwamerire macoke kûrî mûthamaki na mamwîre

2Maû 34:22

Kwoguo Hilikia vamwe na andû arîa mûthamaki aatûmîte nîmaathiîre kûrî mûndûmûka mûrathi wetagwa Hulida mûka wa Shalumu, mûvîcî wa Tokihathi, nake Takihathi aarî mûvîcî wa Hasira, mûmenyereri wa nguo irîa ciatûmagîrwa hekarûrî. Hulida aatûûraga Jerusalemu îtûûrarî rîa kaîrî. Nao nîmaamwîrire maûndû marîa meekîkîte.

Nehemia 7:72

Andû acio engî nîmaarutire kilo îgana rîmwe rîa mîrongo îtandatû na inyanya cia thaavu (168) na kilo îgana rîa mîrongo îna cia sîlûva (140), nguo cia athînjîri-Ngai mîrongo îtandatû na mûgwanja (67).

Ntha 15:20

Nake mûndûmûka ûmwe mûrathi wetagwa Miriamu, na aarî mwarwang'ina na Aroni, nîwocire tamburini yake, nao aka acio engî nîmaamumire vuva na tamburini ciao makîinagia.

Jeremia 39:14

nîmaavirire Jeremia kûrî Gedalia mûvîcî wa Ahikamu, mûvîcî wa Shafani, nîguo amûvire gwake mûciî. Jeremia nîwekarire vamwe na andû arîa engî.

Ezek 13:17

“Nawe mûndû, taroria aka a andû enyu arîa marathaga maûndû marîa meciragia o ene. Menereria arathi acio,

Mika 6:4

Nie nînaamûrutire vûrûri wa Misiri, na ngîmûkûûra kuuma ûkomborî. Nînaamûtûmîre Musa, Aroni, na Miriamu mamûtongorie.

Zefania 1:10

Ngai-Mûnene arauga atîrî, “Kîrîro nîgîkeguîka kuuma Kîvingorî Kîam Nthamaki, kîrîro kuuma Gîcagi gîa Kaîrî, na kîrîro kînene kuuma irîmarî.

Luka 2:36

Na wa kûu hekarûrî kwarî na mûndûmûka mûkûrû wa ndigwa na aarî mûrathi. Nake eetagwa Ana, mwarî wa Fanueli na aarî wa mûvîrîga wa Asheri. Ana ndarî na mûthuuri nîûndû kuuma aavika, eekaranirie na mûthuuri wake kavinda ka mîaka mûgwanja tu. Vîndî îo aarî na ûkûrû wa mîaka mîrongo înana na îna.

Ciîko 21:9

Nake aarî na erîtu ana mataarî aviku na maarî na kîveo Kîam ûrathi.

1Akor 11:5

Nake mûndûmûka wa wonthe ûvoyaga kana wanagîrîra ndûmîrîri ya Ngai atekunîkîrîte kîongo gîake vîndî îrîa andû arîa engî maravoya nîaconorithagia mûthuuriwe. Gûtirî ngûrani gatagatî ka mûndûmûka ûcio na mûndûmûka ûrîa wenjetwe kîongo.

Atir 4:4

Nake Debora mûka wa Lapidothu aarî mûrathi na nîke watiragîrîra Aisiraeli vîndî îo.