2Atha 21:6 - ÎVUKU RÎA ÛVORO MWARO

⁶ Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Atha 21:6 ပူးပေါင်းရင်းမြစ်များ

Kîam 13:13

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.

2Atha 16:3

Nwatî eekire maûndû ta marîa meekagwa nî athamaki a Isiraeli. Wana nwa warutire mûvîcî arî îgongoona rîa îtega rîa kûvîvua kûrî mûvuanano, wata ûrîa andû a mavûrûri marîa Ngai-Mûnene eengataga maume vûrûrirî ûrîa andû a Isiraeli maatonyaga meekaga. Ûndû ûcio warî mûcûku mûno.

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 23:24

Mûthamaki Josia nîwarutire kuuma Jerusalemu na Juda arogi, aragûri, na ngai cia mîvuanano, na indo cionthe irîa ciarî mûgiro. Josia eekire ûguo nîguo avingie mawatho marîa mandîke îvukuurî rîrîa mûthînjîri-Ngai Hilikia oonire hekarûrî ya Ngai-Mûnene.

1Maû 10:13

Saûlo aakwire nîûndû ndaarî mwîvokeku kûrî Ngai-Mûnene. Nîwaregire kwathîkîra watho wa Ngai-Mûnene, na nîwathiîcaga kûria ûtaaro kûrî ago,

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

2Maû 33:6

Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 66:4

Kwoguo nîngûmaretithîria mathîna; na nîmaretere indo irîa metigîrîte, nîûndû rîrîa netanire gûtirî mûndû wetîkire; rîrîa naririe matiathikîrîria. Nwatî meekire maûndû macûku ngîonaga, na makîthuura maûndû marîa mataangenagia.”

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 19:5

Nîmaatumîre ngai ya Baali metha ya kîgongoona nîguo mavîvîrie ciana ciao irî îtega rîa kûvîvua kûrî Baali; ûndû ûrîa nie ndaamatha meke, wana kana nîwîciria.

Ezek 23:39

Nîûndû mûthenya ûrîa maaûragire ciana ciao na makîiruta irî magongoona kûrî mîvuanano, nîmaatonyire vandû vakwa varîa vatheru na makîvagwatia mûgiro. Ûguo nîguo meekire nyombarî yakwa.

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Alawi 19:26

“Mûtikarîe nyama irî na nthakame na mûtikaragûrie kana mûragûrîrwe.

Alawi 19:31

“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.

Mika 6:7

Ngai-Mûnene nî agaakena, namûvirîra ndûrûme ngiri nyîngî, kana maguta meengî mûno ma ndamaiyû? Ngaamûvirîra îrikithathi rîakwa nîûndû wa mavîtia makwa, mwana wakwa nîûndû wa mevia makwa?

Ciîko 16:16

Na vîndî îmwe rîrîa twathiîte vandû va kûvoera, nîtwatûngirwe nî mwîrîtu ûmwe ngombo, warî na ngoma yamûvotithagia gwîciirîria maûndû marîa maarî mekîke. Mwîrîtu ûcio nîwatûmaga ene ke moone mbeca nyîngî mûno na njîra ya gwîciirîria kûu gwake kwa maûndû marîa maarî mekîke.

Gûco 32:16

Nîmaatûmire Ngai-Mûnene egue wîru nîûndû wa kûgooca ngai cia mîvuanano, na magîtûma arakare nîûndû wa ciîko ciao njûku.

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.