2Atha 21:5 - ÎVUKU RÎA ÛVORO MWARO

⁵ Nîwatumire metha cia kîgongoona cia kûgoocagîra ciûmbe cia îgûrû ivaarorî igîrî cia hekarû ya Ngai-Mûnene.

2Atha 21:5 ပူးပေါင်းရင်းမြစ်များ

1Atha 6:36

Nîwatumire nja ya kanyomba ka ndaarî na mathiga maumie maiganîrîrîtwe mîvari îthatû na mûvari ûmwe wa mbaû ndiku cia mîtarakwe.

1Atha 7:12

Kîvaro kîrîa kînene Kîam nyomba ya mûthamaki Kîamthiûrûrûkîrîtue na mîvari îthatû ya mathiga maumîtue, na mûvari ûmwe wa mbaû ndiku cia mîtarakwe. Ûguo nwaguo kîvaro Kîam ndarî ya hekarû, na kîthaku Kîam hekarû gîatumîtwe.

2Atha 23:12

Nîwagwîthirie na akiunanga metha cionthe cia magongoona tûcunjî irîa athamaki a Juda maatumîte îgûrû rîa nyomba ya îgûrû ya mûthamaki Ahazi, wa vamwe na metha cia magongoona irîa mûthamaki Manase aatumîte ivaarorî cioîrî cia hekarû. Nîwacokire agîta tûcunjî tûu karûnjîrî ga Kidironi.

2Atha 23:4

Mûthamaki Josia nîwacokire akîatha mûthînjîri-Ngai mûnene, Hilikia, athînjîri-Ngai arîa maamûtethagîrîria, na arangîri a kîvingo Kîam hekarû marute hekarûrî ya Ngai-Mûnene indo cionthe irîa ciatûmagîrwa kûgooca Baali, irîa ciatûmagîrwa kûgooca Ashera, na cionthe îrîa ciatûmagîrwa kûgooca indo cionthe cia îgûrû. Nîwavîvîrie indo icio cionthe nja ya îtûûra rîa Jerusalemu mîgûndarî ya Kîamnda gîa Kidironi, na nîwakuire mûu wa cio akîûvira Betheli.

2Atha 23:5

Nîwatigithirie wîra athînjîri-Ngai onthe arîa athamaki a Juda maamûrîte na maarutagîra magongoona kûndû kûrîa gûtûgîru matûûrarî ma Juda na kûndû kûrîa kwarî vakuvî na Jerusalemu; acio nî athînjîri-Ngai onthe arîa maarutagîra Baali, riûa, mweri, njata na indo cionthe cia îgûrû magongoona.

2Atha 23:6

Nîwarutire mûvuanano wa ngai ya nga ya Ashera hekarûrî ya Ngai-Mûnene na akîmîvira nja ya îtûûra rîa Jerusalemu nginya karûnjîrî ga Kidironi na akîûvîvîria vo. Nîwaûthîire nginya ûgîtuîka rûkûngû na akîûnyagia mbîrîrarî kûrîa kwathikagwa andû onthe.

2Maû 33:15

Manase nîwarutire ngai ng'eni na mîvuanano hekarûrî na akîruta metha cionthe cia magongoona irîa aatumîte kîrîmarî kûrîa hekarû yatumîtwe na Jerusalemu, na agîita na kûu nja ya îtûûra.

2Maû 33:5

Nîwatumire metha cia magongoona cia kûgoocagîra ciûmbe cia îgûrû kûu ivaarorî igîrî cia hekarû.

2Maû 4:9

Nîwarûthire kîvaro Kîam athînjîri-Ngai na akîrûtha kîvaro kîngî kînene kîrî na mîrango ya kîo. Nîwavakire mîrango ya kîvaro gîcango,

Ezek 40:28

Mûndû ûcio nîwacokire akîmbîtûkîrîria kîvingorî Kîam mwena wa îveti na tûgîkinya kîvingorî Kîam mwena wa ndarî. Nîwathimire kîvingo kîu na akîona nîkîeganene na ivingo irîa ciîngî ciarî rûthingorî rwa mwena wa nja.

Ezek 40:32

Mûndû ûcio nîwacokire akîndonyeria kîvingorî Kîam mwena wa îrathîro ngîkinya kîvarorî Kîam ndarî. Nîwathimire kîvingo na ithimi ciakîo ciarî wata cia ivingo irîa ciîngî.

Ezek 40:37

Kwarî na kanyomba kaarî kîvingorî na kaaroretie kîvaro Kîam mwena wa nja. Nthingorî cia kanyomba kau nîgwacoretwe mbica cia mîtî ya mîkîndû mîenarî ya gacîra kau. Kwarî na ngathî inyanya cia kunûkia kîvingorî kîu.

Ezek 40:47

Mûndû ûcio nîwathimire kîvaro kîu na mwena wa ndarî na akîona atî Kîamrî na wariî weganene na ûraca wa mita mîrongo îtano (50). Nayo metha ya kîgongoona yarî vau mbere ya hekarû.

Ezek 42:3

Mwena ûmwe yerekerete kîvaro Kîam wariî wa mita îkûmi Kîamrî kîraca wata ûraca wa hekarû, na mwena ûcio wîngî yerekerete gacîra ga kîvaro Kîam mwena wa nja. Nyomba îno yarî na ngorova ithatû, wa ngorova îgûrû rîa îrîa îngî.

Ezek 43:5

Roho wa Ngai-Mûnene nîwambocire na ûkîmbira kîvarorî Kîam mwena wa ndarî na ngîona atî riiri wa Ngai-Mûnene nîwecûrîte hekarûrî.

Ezek 44:19

Na rîrîa makûthiî kîvarorî Kîam nja kûrîa andû marî, makaarutaga nguo irîa makethagîrwa mekîrîte magîtungata hekarûrî na maitige nyombarî irîa ntheru. Magekagîra nguo ciîngî nîguo andû maivutia matigatuîke amûre.

Ezek 8:16

Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.