2Atha 21:22 - ÎVUKU RÎA ÛVORO MWARO

²² Nîwatiganîrie Ngai-Mûnene, Ngai wa methe make, na akîrega kûrûmîrîra maathani ma Ngai-Mûnene.

2Atha 21:22 ပူးပေါင်းရင်းမြစ်များ

1Atha 11:33

Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

2Atha 21:21

Nîwekire maûndû monthe marîa mekagwa nî îthe na nîwatungatagîra na akagooca mîvuanano îrîa îthe aagoocaga.

2Atha 22:17

Nîmandiganîrîtie na nîmarutîrîte ngai ciîngî magongoona na kwoguo nîmandakarîtie nî maûndû monthe marîa mekîte. Nîûndû wa ûguo, nîndakarîtue nî Jerusalemu na marakara makwa matingîthira.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.