2Atha 21:2 - ÎVUKU RÎA ÛVORO MWARO

² Manase nîwekire maûndû marîa mataakenagia Ngai-Mûnene, na kûrûmîrîra maûndû marîa meekagwa nî andû a mavûrûri marîa Ngai-Mûnene engataga, nao andû a Isiraeli magîtonyaga kuo.

2Atha 21:2 ပူးပေါင်းရင်းမြစ်များ

2Atha 17:2

Nîwevirie mbere ya Ngai-Mûnene, nwatî tî ta athamaki arîa maathanaga mbere yake.

2Atha 21:11

“Rîu nîûndû Manase, mûthamaki wa Juda nîwîkîte maûndû mama macûku, na ageka maûndû macûku wana gûkîra marîa monthe meekirwe nî Amori, arîa maarî mbere yake, na agatûma andû a Juda mevie magîtûmîra mîvuanano yake;

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Atha 21:20

Amoni nîwekire maûndû marîa mataakenagia Ngai-Mûnene, wata ûrîa îthe, Manase eekîte.

2Atha 21:21

Nîwekire maûndû monthe marîa mekagwa nî îthe na nîwatungatagîra na akagooca mîvuanano îrîa îthe aagoocaga.

2Atha 21:7

Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

2Atha 22:17

Nîmandiganîrîtie na nîmarutîrîte ngai ciîngî magongoona na kwoguo nîmandakarîtie nî maûndû monthe marîa mekîte. Nîûndû wa ûguo, nîndakarîtue nî Jerusalemu na marakara makwa matingîthira.

2Atha 23:32

Jehoahazi nîwekire maûndû marîa mataakenagia Ngai-Mûnene wata ûrîa meekirwe nî methe mao.

2Atha 24:9

Jehoiakini nîwekire maûndû marîa mataakenagia Ngai-Mûnene, wata marîa monthe meekîtwe nî îthe.

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

Mûvunjia 9:18

Ûûgî nî mwaro gûkîra indo cia mbaara, nwatî mûndû ûmwe mwîvia nwa acûkangie maûndû meengî maro.

Isaia 66:4

Kwoguo nîngûmaretithîria mathîna; na nîmaretere indo irîa metigîrîte, nîûndû rîrîa netanire gûtirî mûndû wetîkire; rîrîa naririe matiathikîrîria. Nwatî meekire maûndû macûku ngîonaga, na makîthuura maûndû marîa mataangenagia.”

Jeremia 15:4

Nîngatûma matuîke andû a kûmakia mothamaki monthe ma nthî, nîûndû wa maûndû marîa Manase mûvîcî wa Hezekia ekire kûu Jerusalemu rîrîa aarî mûthamaki wa Juda.

Ezek 11:12

Nîmûkaamenya atî nie nînie Ngai-Mûnene ûrîa mwaregire kûrûmîrîra mawatho make kana mûvingia irîra ciake, nwatî mwekire kûringana na irîra cia ndûrîrî irîa imûthiûrûrûkîrîtie.”

Ezek 16:51

“Samaria matievia wanarî nuthu ya mevia marîa mwevirie. Mue nîmwekire maûndû macûku mûno kûmakîra. Ûngîringithania maûndû maku marîa macûku na ma aa mwarwanyûkwe, mao tî manene.

Ezek 22:3

Îra îtûûra rîu Ngai-Mûnene arauga atî, we nîûragaga andû aku na nîwîgwatagia gîko na njîra ya kûvoya mîvuanano, kwoguo îvinda rîaku nîrîkinyu.

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.