Jehoiakini, mûthamaki wa Juda, ng'ina, anake ake, athigari ake, wana ndungata cia nyomba yake nîmerekererie kûrî mûthamaki wa Babuloni. Jehoiakini aanyitirwe mûgwate mwakarî wa kanana (8) Nebukadinezarû arî mûthamaki wa Babuloni.
Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.
Îgûrû rîa ûguo, ûtonga wonthe wa îtûûra, umithio warîo, indo cionthe ciarîo cia goro, vamwe na igîîna cia mûthamaki wa Juda, nîngairekereria itavwe nî nthû ciao na vinya, maivire vûrûrirî wa Babuloni.
Mûthamaki Nebukadinezarû nîwathire Ashipenazi ûrîa warî mûnene wa ndungata ciake, athuure anake a Isiraeli, kuuma mîciî ya anene na ya andû arîa atîîkanu.