2Atha 20:14 - ÎVUKU RÎA ÛVORO MWARO

¹⁴ Mûrathi Isaia nîwacokire akîthiî kûrî mûthamaki Hezekia na akîmûria atîrî, “Andû aya maaumîte kû, na marakwîrire atîa?” Nake Hezekia nîwacokirie atîrî, “Maaumîte Babuloni, vûrûri wa kûraca”

2Atha 20:14 ပူးပေါင်းရင်းမြစ်များ

2Atha 20:13

Hezekia nîwanyitire anjaama acio ûgeni na akîmonia ûtonga wake. Ûtonga ûcio warî; sîlûva, thaavu, tûnyamû tûnungi waro, maguta ma goro, nyomba îrîa aigaga indo ciake cionthe cia mbaara na indo cionthe irîa ciarî makûmbîrî make. Gûtirî kîndû wanarî kîmwe Kîamrî nyombarî yake kana ûthamakirî wake ataamoonia.

2Atha 20:15

Mûrathi Isaia nîwamûûririe atîrî, “Moonire ndûî nyombarî yaku?” Nake Hezekia nîwacokirie atîrî, “Nîmoonire indo cionthe îrîa irî nyombarî yakwa. Gûtirî kîndû wanarî kîmwe kîrî makûmbîrî makwa ndaamoonia.”

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Nthi 25:12

Mûndû mûûgî akaanîtie mûndû ûkûthikîrîria, ekariî ta gîcûvî Kîam thaavu kana mathaga ma thaavu ntheri.

Isaia 13:5

Maûkîte maumîte mavûrûri ma kûraca, maumîte mîthiia yonthe ya nthî. Ngai-Mûnene arî na marakara akuuîte indo ciake cia mbaara, nîguo acûkangie nthî yonthe nîûndû wa marakara make.

Ezek 23:23

Ngaatûma andû magûkîrîre kuuma Babuloni na Kalidei, andû kuuma Pekodi, Shoa na Koa, na andû onthe a Asîria. Ûgaaûkîrîrwa nî anake onthe arîa athaka wa vamwe na atongoria, anene a athigari a mbaara, na athigari njamba cia mbaara onthe mathiîte mekarîrîte mbarathi.

Ndari 22:9

Ngai nîwathiîre kûrî Balaamu na akîmûria atîrî, “Nî andû arîku aya mûrî nao?”

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.

Josh 9:6

Andû a Gibeoni nîmaathiîre Giligali kûrîa Joshua na andû a Isiraeli maambîte magema mao na makîmeera atîrî, “Tue tumîte vûrûri wa kûraca na tûrenda mûrûthe kîrîkanîro natue.”

Josh 9:9

Nao nîmaacokerie Joshua atîrî, “Mwathi wetû tue tumîte vûrûri wa kûraca mûno. Tûkîte nîûndû nîtwîguîte ngumo ya Ngai-Mûnene, Ngai wenyu. Nîtwîguîte ûvoro wa maûndû marîa monthe eekire vûrûrirî wa Misiri.