2Atha 20:1 - ÎVUKU RÎA ÛVORO MWARO

¹ Kavindarî wa kau Hezekia nîwarwarire na aarî vakuvî gûkua. Mûrathi Isaia, mûvîcî wa Amozu nîwathiîre kûrî ke na akîmwîra atîrî. “Ngai-Mûnene akwîra wîgae, nîûndû tîûvora, nîûgûkua.”

2Atha 20:1 ပူးပေါင်းရင်းမြစ်များ

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

2Atha 1:16

na akîra mûthamaki atîrî, “Ngai-Mûnene akwîrîte atî nîûndû nîwatûmire anjaama makaûrie ûtaaro kûrî Baalizebubu, ngai ya Ekironi takwa Isiraeli gûtarî ngai îngîûrua ûtaaro, we tîûvora mûrimû ûyû waku, nwatî nîûgûkua!”

2Atha 1:4

Rîu thiîni mwîre mûthamaki atî Ngai-Mûnene augîte atîrî, ‘Tîûvora mûrimû ûyû waku, nwatî nama we nîûgûkua!’ ” Kwoguo Elija nîwekire wata ûrîa Ngai-Mûnene aamwathire.

2Atha 19:2

Nîwatûmire Eliakimu, mûmenyereri wa mûciî wa mûthamaki, Shebuna, mwandîki, na athînjîri-Ngai arîa akûrû, kûrî mûrathi Isaia, mûvîcî wa Amozu. Wanao meekîrîte nguo cia macakaya.

2Atha 19:20

Isaia mûvîcî wa Amosi nîwatûmanire kûrî mûthamaki Hezekia atîrî, “Ngai-Mûnene, Ngai wa Isiraeli augîte atî, ‘Nîmbîguîte îvoya rîaku rîgiî Senakeribu, mûthamaki wa Asîria.’

2Atha 20:2

Hezekia nîwevûgûrire akîroria rûthingorî na akîvoya Ngai-Mûnene akîugaga atîrî,

Gûco 31:14

Ngai-Mûnene nîwacokire akîra Musa atîrî, “Îvinda rîaku rîa gûkua rîrî vakuvî. Îta Joshua na mûke nake îgemarî rîa Ngai-Mûnene, nîguo nîmwîre ûrîa agwîka.” Kwoguo Musa na Joshua nîmaathiîre na magîtonya îgemarî rîa gûcemanîrua.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Afil 2:27

Nama aarî mûrwaru na aarî vakuvî gûkua. Nwatî Ngai nîwamwîguîrîre ntha na wananie nîwambîguîrîre ntha na ngîthirwa nî kîeva kîrîa naarî nakîo.

Afil 2:30

nîûndû aarî vakuvî gûkua nîûndû wa wîra wa Kristû. Ekire ûguo nîguo andethie na ûtethio ûrîa mue mûtangîavotire kûmva.