2Atha 2:9 - ÎVUKU RÎA ÛVORO MWARO

⁹ Maringa rûnjî, Elija nîwerire Elisha atîrî, “Mbîra ûrîa ûkwenda ngwîkîre mbere ya nthengutue kûrî we.” Nake Elisha nîwaugire atîrî, “Nakûthaitha ûngaîre gîcunjî Kîam roho waku maita maîrî.”

2Atha 2:9 ပူးပေါင်းရင်းမြစ်များ

1Atha 19:16

wîtîrîrie Jehu mûvîcî wa Nimushi maguta nîguo atuîke mûthamaki wa Isiraeli, na wîtîrîrie Elisha mûvîcî wa Shafati kuuma Abeli Mehola maguta nîguo atuîke mûrathi vuva waku.

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

Thaburi 72:1

Onagîrîria mûthamaki gûtua ciira na kîvooto, we Ngai; na ûmûgaagîre ûthingu waku,

Thaburi 72:20

Ûcio nîguo mûthiia wa mavoya ma Daudi, mûvîcî wa Jesii.

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Ndari 11:17

Nîngûnyûrûrûka vo twarie nawe na mboce gîcunjî Kîam roho ûrîa nakûveere nîmave nîguo magûtethagîrîrie gûtongoria andû aya ndûkamatongorie ûrî wenga.

Ndari 11:25

Ngai-Mûnene nîwacokire akînyûrûrûka arî îtuurî na akîarîria Musa. Nîwocire gîcunjî Kîam roho ûrîa aaveete Musa na akîûvecana kûrî athuuri acio mîrongo mûgwanja. Nao athuuri acio magîa na roho ûcio, nîmaambîrîrie kwaria ta arathi, nwatî gwa kavinda kanini.

Johana 16:7

Nwatî nîramwîra na ma atî: nie nathiî nîmûkûgîa umithio nîûndû nîngîrega kûthiî mûtigaatûmîrwa Mûtethia. Nwatî nathiî nîngaamûtûma kûrî mue.

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 8:17

Nao Petero na Johana nîmaamaigîrîre njara na etîkia acio makîamûkîra Roho Mûtheru.

1Akor 12:31

Kwoguo îîriragîrieni na vinya kûgîa na iveo irîa irî vata mûno makîria. Nwatî rîu nie nîngûmwonia njîra îrîa mbaro gûkîra irîa ciîngî cionthe.

Gûco 21:17

Agîrîrwe nî kûva îrikithathi indo maita maîrî ma irîa angîva mwana ûrîa mûnini, wana ethîrwa îrikithathi tî rîa mûndûmûka ûrîa endete. Nwanginya agaîre îrikithathi rîu maita maîrî ma indo ciake kûringana na watho.

Gûco 34:9

Nake Joshua mûvîcî wa Nuni nîwecûrirwe nî ûûgî nîûndû Musa nîwamûthuurîte atuîke mûtongoria vuva wake. Andû a Isiraeli nîmaathîkîre Joshua na nîmaarûmagîrîra maûndû monthe marîa Ngai-Mûnene aathîte Musa.

1Tim 5:17

Athuuri a kanitha arîa matongoragia waro nîmagîrîrwe nî kûvewa mûcara mwaro, makîrîa arîa marutaga wîra na vinya wa kûvunjia na kûthomithia.