2Atha 2:11 - ÎVUKU RÎA ÛVORO MWARO

¹¹ Mathiîte wa ûguo wa makîaragia, wa rîmwe gîkaari Kîamrîrîmbûkaga ta mwaki kîgucîtue nî mbarathi ciarîrîmbûkaga ta mwaki nîgîaûkire karîgatî kao oîrî, na Elija nîwavirirwe îgûrû nî rûkûngi rûnene rwavurutanaga na vinya.

2Atha 2:11 ပူးပေါင်းရင်းမြစ်များ

Kîam 5:24

Aatûûrire arî na ngwatanîro mbaro na Ngai. Nîwacokire akîûra kuuma methorî ma andû, nîûndû Ngai nîwamwocire.

2Atha 2:1

Vîndî îrîa kavinda gaakinyire ka Ngai-Mûnene kûvira Elija îgûrû na rûkûngi rûnene rwavurutanaga na vinya, Elija na Elisha maarî rûgendorî maumîte Giligali.

2Atha 6:17

Elisha nîwacokire akîvoya atîrî, “Ûûi Ngai-Mûnene, nakûthaitha ûmûvingûre metho nîguo avote kwona.” Kwoguo Ngai-Mûnene nîwavingûrire metho ma ndungata îo na îkîvota kwona. Nîyonire kîrîma gîcûrîte mbarathi na ikaari cia mbaara irigicîrîtie Elisha.

Thaburi 68:17

Mwathani nîwaûkire vandû varîa vatheru kuuma Sinai, arî na makiri meengî ma ikaari ciake cia mbarathi.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Zakaria 3:8

Tathikîrîria waro, we Joshua Mûthînjîri-Ngai mûnene. Wa namue athînjîri-Ngai arîa mûtungataga vamwe nake tathikîrîriani. Mue oni a maûndû ma mavinda marîa magaaûka tathikîrîriani. Nîngûreta ndungata yakwa îrîa îtagwa Rûvûa.

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Kûguû 11:12

Nao arathi acio aîrî nîmaacokire makîgua mûgambo mûnene kuuma îgûrû ûkîmera atîrî: “Unûkiani ava!” Na wa nthû ciao iroretie, nîmaaunûkirie îgûrû marî îtuurî.