2Atha 19:7 - ÎVUKU RÎA ÛVORO MWARO

⁷ Taroria, kûrî ûvoro ngûtûma mûthamaki wa Asîria egue na ûtûme acoke vûrûrirî wake, na kûu nîkuo ngaatûma aûragîrwe.”

2Atha 19:7 ပူးပေါင်းရင်းမြစ်များ

2Atha 19:28

Nîûndû wa ûguo ûndakarîrîte, na nîmbîguîte ûvoro wa mwîtîîo waku, nîngûgûtonyia ndûano îniûrûrî rîaku, na ngwîkîre gîcûvî kanyuarî gaku. Nîngûcokia kûrîa waumire na njîra wa îrîa waûkîrîrîre.”

2Atha 19:33

Agaacoka na njîra wa îrîa aaûkîrîre na ndagaatonya îtûûrarî rîîrî. Ûguo nîguo nie Ngai-Mûnene nauga.

2Atha 7:6

Ngai-Mûnene nîwatûmîte athigari a Sîria megue ta mûgambo wa ikaari cia mbaara na ta wa mbarathi, ta mûgambo wa athigari eengî mûno a mbaara, na makîrana atîrî, “Taroria, mûthamaki wa Isiraeli nîakomborete athamaki a Ahiti, na athamaki a Misiri nîguo maûke matûtharîkîre.”

2Maû 32:21

Nake Ngai-Mûnene nîwatûmire mûraika na nîwathiîre akîûraga athigari arîa maarî njamba, anene a athigari a mbaara na anene onthe arîa maarî kûrîa mûthamaki wa Asîria aambîte magema. Kwoguo mûthamaki wa Asîria nîwacokire vûrûrirî wake aconokete mûno. Rîrîa aathiîre hekarûrî ya ngai yake, amwe a avîcî ake nîmaamûragire na mviû.

Ayubu 15:21

Egucaga mîgambo ya kûmakania matûûrî make; rîrîa agwîciria arî na thayû, nîrîo atharîkagîrwa nî acunani.

Ayubu 4:9

Andû acio nîmathiragua viû nî mîvevû ya Ngai, amavûraga na marakara make akamathiria viû.

Thaburi 11:6

Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Thaburi 94:23

Ngai nîakaaverithia andû nîûndû wa mavîtia mao, nîakaamathiria nîûndû wa waganu wao; Ngai-Mûnene, Ngai wetû nîakaamacûkangia viû.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Jeremia 49:14

Nînyitîte ndûmîrîri kuuma kûrî Ngai-Mûnene. Mûnjaama nîmûtûme anîrîre kûrî mavûrûri atîrî, “Gomanani vamwe na mûregane na Edomu, thiîni mûkaûtharîkîre.

Jeremia 51:1

Ngai-Mûnene arauga atîrî, “Nîngûretera vûrûri wa Babuloni na andû a kuo, rûkûngi rûnene rwa kûmacûkangia.

Jeremia 51:46

Mûtigakue ngoro kana mwîgue guoya, nîûndû wa ndeto îtarî na mûkinyo irîa mûregua gûkû vûrûrirî. Wa mwaka ûrî na ndeto itarî mûkinyo; ndeto cia mbaara vûrûrirî, mûthamaki ûmwe akîrûa na ûrîa wîngî.

Obadia 1:1

Gîkî nî kîoneki kîrîa Obadia aaguûrîrue nî Ngai-Mûnene kîgiî vûrûri wa Edomu. Nîtûgwatîte ndûmîrîri kuuma kûrî Ngai-Mûnene; mûnjaama nîmûtûme mavûrûrirî akauge atîrî, “Ûkîrani tûthiî tûkarûe na andû a Edomu!”