2Atha 19:4 - ÎVUKU RÎA ÛVORO MWARO

⁴ Nwa kwîthîrwe atî, Ngai-Mûnene Ngai waku nîwegwire maûndû monthe ma kûthekerera Ngai ûrîa ûtûûraga mwoyo marîa mûthamaki wa Asîria aatûmîte ndungata yake. Ngai-Mûnene Ngai waku aroîgua irumi icio na averithie acio marumanîte. Kwoguo voerani andû arîa matigarîte.”

2Atha 19:4 ပူးပေါင်းရင်းမြစ်များ

Kîam 22:14

Kwoguo Iburahimu nîwetire vandû vau “Ngai-Mûnene nîavecanaga”. Nginya ûmûnthî andû maugaga atîrî, “Kîrîmarî Kîam Ngai-Mûnene, nîavecanaga.”

2Sam 16:12

Ngai-Mûnene avota kwona mînyamaaro yakwa, na ambîtîrîrie irathimo nyîngî makîria ya irumi irîa arumanîte ûmûnthî.”

2Atha 18:13

Mwakarî wa îkûmi na îna (14) Hezekia arî mûthamaki, Senakeribu, mûthamaki wa Asîria nîwatharîkîre matûûra manene monthe marîa mairigîre ma Juda na akîmanyita.

2Atha 19:16

Vingûra metho maku we Ngai-Mûnene, na ûthikîrîrie ciugo cionthe irîa Senakeribu atûmanîte cia gûkûruma we, Ngai ûrîa ûtûûraga mwoyo.

2Atha 19:22

Nî ûrîkû ûraruma na ûkathekerera? Nîûrîkû ûraugîrîria, ûkarega kûva gîtîîo Ûrîa Mûtheru wa Isiraeli.

2Atha 19:23

“Gûtûma anjaama aku nîkûnyarara Ngai-Mûnene, ugîte atî ûrî na ikaari ciaku nyîngî cia mbarathi, nîûtwîte irîma ndaca nginya gacûmbîrî ga kîrîma Kîam Lebanoni. Nîûgwîthîtie mîtarakwe îrîa mîraca mûno na mîthithinda îrîa mîaro mûmo. Nîwatonyire mûtitû ndaarî viû varîa ûnyitanîrîte.

2Atha 19:3

Ndûmîrîri îrîa Hezekia aamaveere mavirîre mûrathi Isaia yaugaga atîrî, “Hezekia auga atî, ûmûnthî nî mûthenya wa kîeva, nî mûthenya wa kûrumwa na kûnyararwa. Twîkariî ta mûndûmûka akîenda gûciara nwatî ndarî na vinya wa gûciara.

2Atha 19:30

Nao andû arîa matigarîte a nyomba ya Juda nîmakaagîa na vinya rîngî na magîe na maciaro.

2Atha 19:31

Kûrî na andû magaatigara kûu Jerusalemu na Kîrîmarî gîa Zayuni, nîûndû Ngai-Mûnene arî na wendi mûnene mûno wa kwona atî ûguo nîgwekîka.

2Atha 19:5

Rîrîa ndungata cia mûthamaki Hezekia ciakinyire kûrî Isaia,

2Maû 32:20

Mûthamaki Hezekia na mûrathi Isaia, mûvîcî wa Amozu nîmaavoire Ngai na makîmûkaîra nîûndû wa ûndû ûcio.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 50:21

Wîkîte maûndû mau monthe ngirîte, weciragia nie mbîkariî tawe? Nwatî rîu nînagûkaania, na nakûva ûvoro cararûkû.

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Jeremia 23:36

Nwatî, ‘Ndûmîrîri ndito ya Ngai-Mûnene mûtikamîgwete rîngî,’ ciugo irîa mûndû aragia nîcio mûrigo wake ke mwene. Nîûndû andû nîmagarûranagia ciugo cia Ngai ûrîa ûtûûraga mwoyo, Ngai-Mûnene mwene vinya wonthe, Ngai wao.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Jeremia 42:9

“Ngai-Mûnene Ngai wa Isiraeli ûrîa mwandûmire ngamûthaithanîre kûrî ke, augîte atî:

Ezek 36:37

Mwathani Ngai-Mûnene arauga atîrî, “Nîngetîkîria andû a Isiraeli mamvoe nîmatethie na nîngaatûma andû ao mongerereke ta ndîthia ya ng'ondu.

Aroma 11:5

Ûguo nwa guo gûkariî wana rîu: kûrî na andû matarî eengî arîa Ngai athuurîte na njîra ya wega wake.

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

Josh 14:12

Kwoguo ngaîra vûrûri ûyû ûrî irîma ûrîa Ngai-Mûnene aambîrîre mûthenya ûcio twamwindîre ûvoro. Mûthenya ûcio twamwîrire atî andû arîa metagwa Anaki maatûûraga matûûrarî manene na mairigîre. Ngai-Mûnene nî akûndethia na nie nîngûmengata maume kuo wata ûrîa ke aaugire.”

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:10

Nake Mûfilisiti ûcio nîwaugire atîrî, “Ûmûnthî nînathithûkîra mbûtû ya mbaara ya Isiraeli. Thuurani mûndû ûmwe nîguo tûrûe nake!”

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:45

Daudi nîwerire Goliathu atîrî, “We ûkîte kûrî nie na rûviû rwa njûra, îtumû na îtumû rîa gwikia, nwatî nie nîmbûka kûrî we na rîîtwa rîa Ngai-Mûnene mwene vinya wonthe, na nîke Ngai wa athigari a Isiraeli ûrîa we ûnyararithîtie.