2Atha 19:35 - ÎVUKU RÎA ÛVORO MWARO

³⁵ Ûtukû ûcio, mûraika wa Ngai-Mûnene nîwathiîre kûrîa andû a Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko Kîam mûthenya ûcio wîngî, nîmeethîrîrie athigari acio onthe marî akuû!

2Atha 19:35 ပူးပေါင်းရင်းမြစ်များ

2Sam 24:16

Rîrîa mûraika wa Ngai-Mûnene aarî vakuvî gûcûkangia Jerusalemu Ngai-Mûnene nîwericûkirwe ûvororî wîgiî kûverithia andû ake na akîra mûraika ûcio waûraganaga atîrî, “Tiga rîu! Ûguo nî mwîganu!” Mûraika ûcio aarî vakuvî na varîa Arauna, ûrîa warî Mûjebusi aavûûragîra ngano.

2Atha 19:7

Taroria, kûrî ûvoro ngûtûma mûthamaki wa Asîria egue na ûtûme acoke vûrûrirî wake, na kûu nîkuo ngaatûma aûragîrwe.”

1Maû 21:12

mîaka îthatû ya yûra, kana mîeri îthatû ya gûcûkangua nî nthû ciaku kana mîthenya îthatû ya îverithia rîa Ngai-Mûnene na agûtûmîre mîrimû vûrûrirî wonthe na mûraika wa Ngai-Mûnene athiî agîcûkangagia andû vûrûrirî wonthe wa Isiraeli. Rîu mbîra ûrîa ngûcokeria ûrîa ûndûmîte.”

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

2Maû 20:24

Rîrîa athigari a mbaara a Juda maakinyire vandû vatûgîru kûu werûrî, nîmaaroririe nîguo mone andû acio eengî ûguo, nwatî moonire ciimba cia andû inyagarûkîte werûrî. Gûtirî wanarî ûmwe wavonokete.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Thaburi 90:10

Ûtûûro wetû nîwa mîaka mîrongo mûgwanja, kana ethîrwa tûrî na vinya tûgîkinyia mîaka mîrongo înana; nwatî wîcûrîtwe nî mathîna na mînyamaaro; mîaka îo îthiraga na îvenya natue tûgacoka tûkathira.

Thaburi 91:6

kana mîthiro îrîa yûkaga ûtukû kana maûndû macûku marîa maûkaga mûthenya.

Ntha 12:23

Vîndî îrîa Ngai-Mûnene akaavîtûkîrîra vûrûrirî wa Misiri kûraga andû a kuo, nîakoona nthakame itugîrî cia mîrango yenyu. Nake nî akaagiria mûraika ûrîa ûkethîrwa akîûraga andû a Misiri atonya kwenyu nyomba amûûrage.

Ntha 9:15

Nîûndû kethîrwa nînatambûrûkirie njara nîguo ngûverithie vamwe na andû aku, nîngîamûcûkangirie na mûrimû mûkîthira viû.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Isaia 10:33

Taroria, Ngai-Mûnene mwene vinya wonthe akaamarivania nthî ta ûrîa mvûa cia mûtî irivanagua ciatemwa; njamba irîa nene nîigaatemwa igwe nthî, nao arîa etîi nîmagaaconorithua.

Isaia 17:14

Nîmatûmaga kûgîe na kîmako kîvwaî, nwatî mbere ya gûkîe kîmako gîkathira. Rîu nîrîo îgai rîa arîa matûtavaga indo cietû, na îrîvi rîa arîa matûcunaga indo cietû.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Danieli 5:30

Ûtukû wa mûthenya ûcio, Belishazaru, mûthamaki wa Babuloni nîwaûragirwe,

Hosea 1:7

Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.