2Atha 19:25 - ÎVUKU RÎA ÛVORO MWARO

²⁵ “Nîkwa ûteguîte atî naavangire ûguo wa tene? Ûrîa naavangire tene rîu nîngûûvingia, ndûme womomore matûûra marîa mairigîre matuîke irûndo cia mathiga.

2Atha 19:25 ပူးပေါင်းရင်းမြစ်များ

Thaburi 33:11

Nwatî mîvango ya Ngai-Mûnene îtûûraga tene na tene, wendi wake ûtûûraga kûrî njiarwa cionthe.

Thaburi 76:10

Andû arîa arakaru nîmagûkumagia makîria; arîa mataakuîra mbaararî nîmagaakûngûîra irugo ciaku.

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 45:8

Mbura nîyure kuuma îgûrû, namo matu nîmaurithie ûthingu nthî, nthî nîyatûke nîguo îciare ûvonokio, na îtûme kûgîe na ûthingu wanaguo. Nie Ngai-Mûnene nînie mbîkîte maûndû mau.”

Isaia 54:16

“Taroria, nînie naûmbire mûturi wa indo cia cuuma, ûrîa ûvurutaga mwaki wa makara, agacoka agatura indo cia mbaara naguo. Na nwanie naûmbire mûndû ûrîa ûcûkangagia akathiria.

Mika 1:6

Kwoguo, Ngai-Mûnene augîte atîrî, “Nîngaatûma Samaria gûtuîke kîrûndo Kîam mathiga werûrî, kûndû gwa kûvandwa mîthavibu. Mathiga marîa magûtumîte nîngaamaikia Kîamndarî, na nthikûrie mîcingi ya kuo.