2Atha 19:14 - ÎVUKU RÎA ÛVORO MWARO

¹⁴ Mûthamaki Hezekia nîwocire maarûa kuuma kûrî anjaama acio na akîmîthoma. Nîwacokire akîthiî nayo hekarûrî ya Ngai-Mûnene na akîmîtambûrûkia mbere ya Ngai-Mûnene.

2Atha 19:14 ပူးပေါင်းရင်းမြစ်များ

Ezira 9:5

Rîrîa kavinda gaakinyire ka îgongoona rîa kîvwaî, nînaûkîrire ngiuma varîa nekarîte nthî nîrî na kîeva. Nîrî na nguo icio ndembûkangu, nînaturirie maru nîguo mvoe na ngîûkîrîria njara ciakwa na îgûrû kûrî Ngai-Mûnene, Ngai wakwa.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Ntha 9:33

Musa nîwaumire varî mûthamaki wa Misiri na akîthiî nja ya îtûûra rînene. Na rîrîa aaûkîrîrie njara ciake na îgûrû akîvoya Ngai-Mûnene, ngwa na mbura ya mbembe nîyatigire kuura gûkû nthî.

Isaia 37:14

Hezekia nîwamûkîre maarûa kuuma kûrî anjaama acio maatûmîtwe na akîmîthoma. Nîwacokire akîthiî agîtonya nyombarî ya Ngai-Mûnene, na akîmîkûnjûrîra mbere ya Ngai-Mûnene.

Jeremia 11:20

Nwatî we Ngai-Mûnene mwene vinya wonthe, ûrîa ûtucanagîra na kîvooto, we ûthimaga ngoro na meciria ma andû, tiga mone ûkîndîvîrîria kûrî andû aya, nîûndû nîwe tu ûngîtua cira wakwa.

1Sam 8:21

Nake Samueli nîwathikîrîrie na akîgua maûndû monthe marîa andû acio maaugire na agîcoka akîthiî na akîîra Ngai-Mûnene.