2Atha 18:8 - ÎVUKU RÎA ÛVORO MWARO

⁸ Nîwaûragire Afilisiti nginya îtûûrarî rînene rîa Gaza, vamwe na vûrûri ûrîa ûrîrigicîrîtie, kuuma gîcagirî kîrîa kînini nginya îtûûra rîrîa rînene ririgîre.

2Atha 18:8 ပူးပေါင်းရင်းမြစ်များ

1Atha 5:4

Nwatî Ngai-Mûnene, Ngai wakwa nîatwîguithanîtie na andû onthe arîa tûvakanîte nao. Ndirî na nthû na ndirî na thîna wana ûrîkû.

2Atha 17:9

Andû a Isiraeli nîmeekire na nthitho maûndû marîa Ngai-Mûnene Ngai wao aaregaga. Nîmeetumîre kûndû gwa kûgoocagîrwa matûûrarî mao monthe, kwambîrîria gîcagirî kîrîa kînini viû nginya îtûûrarî rînene rîrîa rîgitîre.

1Maû 4:41

Andû acio mandîkîtwe marîîtwa mao, nîmaaûkire vûrûrirî ûyû vîndî îrîa Hezekia aarî mûthamaki wa Juda. Nao nîmaatharîkîre njiarwa cia Hamu na magîcûkangia magema mao na makîrûa na Meuni arîa maatûûraga kuo. Nîmaamavinyûririe na magîtûûra kuo nginya ûmûnthî nîûndû kwarî kûndû kwaro gwa kûrîthua.

2Maû 26:10

Wana nîwatumire nyomba ndaca werûrî na akînja iriko nyîngî cia manjî kuo nîûndû aarî na ndîthia nyîngî kûu Shefela na kûndû kûrîa kwarî kwaraganu. Aarî na andû maarutaga wîra mîgûndarî ya mîthavibu irîmarî na kûndû kûrîa kwarî kûnoru nîûndû nîwendeete kûrîma mûno.

2Maû 28:18

Afilisiti wanao nîmaatharîkîrîte matûûra ma Juda marîa maarî Shefela na Negebu na makînyita Bethishemeshi, Aijaloni, Gederothi, Soko vamwe na icagi ciarîo, Timuna vamwe na icagi ciarîo na Gimuzo vamwe na icagi ciarîo na magîtûûra kuo.

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 5:2

Nîwacimbire mûgûnda ûcio na akîûngania mathiga monthe; na akîvanda mîthavibu îrîa mîaro mûno. Nîwatumire nyomba ndaca na îgûrû gatagatî ka mûgûnda ûcio nîûndû wa kûûgitîra, na akîrûtha vandû va kûvivîra ndivei kûu mûgûndarî. Nîweterere mîthavibu iciare, nwatî mîthavibu îo yaciarire thavibu cia kîthaka.

Gûco 2:23

Vûrûri ûrîa ûrî rûtere rwa îria rîa Mediterania nginya îtûûra rîa Gaza watûûragwa nî andû a Avimu mbererî. Andû a kuuma gîcîgîrîrarî gîa Kirete nîmaamathiririe na magîoca vûrûri ûcio na magîtûûra kuo.)

Josh 15:47

Kwarî na matûûra manene ma Ashidodi na Gaza na matûûra manini na icagi ciamo, ikinyîte karûnjîrî karîa karî mûvakarî wa Misiri na rûtere rwa îria rîa Mediterania.