2Atha 18:22 - ÎVUKU RÎA ÛVORO MWARO

²² “Nwatî mûngîmbîra atî mwîvokete Ngai-Mûnene Ngai wetû, menyani atî Hezekia nîwacûkangirie kûndû kûrîa gûtûgîru kûrîa Ngai-Mûnene aagoocagîrwa na akîomomora metha cia kîgongoona na akîra andû a Juda na a Jerusalemu magoocagîre metharî ya kîgongoona îrîa îrî Jerusalemu.

2Atha 18:22 ပူးပေါင်းရင်းမြစ်များ

2Atha 18:23

Ûka rîu mûrîkanîre na mwathi wakwa, mûthamaki wa Asîria. Nîngûkûva mbarathi ngiri igîrî (2,000) ethîrwa nîûkwona andû a kûthiîcaga maitwîte!

2Atha 19:6

Isaia nîwamerire atîrî, “Ngai-Mûnene amwîrîte mûtikamake nîûndû wa ûguo mûregua ndungata cia mûthamaki ikînuma.

2Maû 31:1

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.

2Maû 32:12

Kinthî Hezekia ûyû twake womomorire kûndû kûrîa kwagoocagîrwa ngai cia mîvuanano na akiunanga metha cia magongoona, agîcoka akîatha andû a Juda na a Jerusalemu magoocage na mavîvagîrie magongoona metharî îmwe tu ya kîgongoona?

Isaia 36:7

“Nwatî ûngîmbîra atîrî, ‘Twîvokete Ngai-Mûnene Ngai wetû.’ Anga tîke mwene kûndû gwa kûgoocerwa na metha cia magongoona irîa Hezekia aacûkangirie akîûragia Juda na Jerusalemu atîrî, ‘Nîmwagîrîrwe nî kûgoocera metharî îno ya kîgongoona?’

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”

1Akor 2:15

Mûndû wa wonthe ûrî na Roho nîavotaga gûtuîria maûndû monthe, nwatî gûtirî mûndû ûngîvotaga kûmûtuîria.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:14

Varîa Ngai-Mûnene akaathuura mûvîrîgarî ûmwe wa îo yenyu, nîvo mûkaarutagîra matega ma kûvîvua, na nîvo mûgeekagîra maûndû monthe marîa ngûmwatha.

Gûco 12:5

Ngai-Mûnene Ngai wenyu nîakeethuurîra vandû va kûgoocagîrwa gatagatîrî ka mîvîrîga yenyu yonthe. Vau nîvo mûkaathiîcaga kûmûgoocera.