2Atha 18:21 - ÎVUKU RÎA ÛVORO MWARO

²¹ Wîvokete mûthamaki wa Misiri, nwatî kûu nî ta gwîtiira na kamûthanje gaka kaunîku. Kamûthanje kaunîkaga na gakamunda njara ya mûndû ûrîa ûkanyitîte. Ûguo nîguo mûthamaki wa Misiri ekariî kûrî andû onthe arîa mamwîvokaga.

2Atha 18:21 ပူးပေါင်းရင်းမြစ်များ

2Atha 17:4

Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

Isaia 1:1

Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Isaia 20:5

Kwoguo arîa onthe mevokete Ethiopia na metîîaga nîûndû wa Misiri nîmakaamaka na maconoke.

Isaia 30:1

Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Isaia 30:7

Nîûndû ûtethio wa Misiri nî wa mana na ndûrî kîguni; kwoguo nîmvete Misiri rîîtwa, ‘Rahabu.’ ”

Isaia 36:6

Taroria, we wîvokete Misiri, mûthanje ûcio munîku, ûrîa ûkaamunda njara ya mûndû wa wonthe ûrîa ûgeetiira naguo. Ûguo nîguo mûthamaki wa Misiri ekariî kûrî arîa onthe mamwîvokaga.’

Jeremia 46:17

“Îta Faraû mûthamaki wa Misiri rîîtwa rîrî, ‘Mûndû wa înegene rîa mana.’

Jeremia 46:2

Ûvoro wîgiî Misiri: aaugire atî, athigari a mbaara a mûthamaki wa Misiri arîa marî vakuvî na Karikemishi vakuvî na rûnjî rwa Farati, arîa Nebukadinezarû mûthamaki wa Babuloni aavotire mwakarî wa kana wa wathani wa Jehoiakimu mûvîcî wa Josia, mûthamaki wa Juda. Ngai-Mûnene augîte atîrî:

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.