2Atha 17:7 - ÎVUKU RÎA ÛVORO MWARO

⁷ Samaria yathirire vinya nîûndû andû a Isiraeli nîmeevîtie mbere ya Ngai-Mûnene Ngai wao, ûrîa wamarutire vûrûrirî wa Misiri na wamavonoketie kuuma kûrî Faraû mûthamaki wa Misiri, na makagooca ngai ciîngî.

2Atha 17:7 ပူးပေါင်းရင်းမြစ်များ

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

1Atha 15:3

Nîwekire mevia monthe ta marîa meekagwa nî îthe, na ndaarûmîrîra Ngai-Mûnene, Ngai wake na ngoro yonthe ta ûrîa îthe Daudi, îthe eekaga.

2Atha 16:2

arî na ûkûrû wa mîaka mîrongo îîrî (20). Nîwathanire arî Jerusalemu îvinda rîa mîaka îkûmi na îtandatû (16). Ndeeka maûndû marîa maakenagia Ngai-Mûnene ta ûrîa îthe Daudi eekîte.

2Atha 17:35

Ngai-Mûnene nîwarûthîte kîrîkanîro nao na akamatha atîrî, “Mûtikagooce ngai ciîngî; mûtikenamîrîrie mothiû menyu mbere yacio kana mûitungatîra kana mûirutîre magongoona.

1Maû 5:25

Andû a mîvîrîga îno nîmaavîtîrie Ngai wa methe mao ma tene na nîmaagoocire ngai cia andû arîa Ngai aacûkangîtie makîonaga.

2Maû 36:5

Jehoiakimu aatuîkire mûthamaki wa Juda arî na ûkûrû wa mîaka mîrongo îîrî na îtano (25) na nîwathanire arî Jerusalemu îvinda rîa mîaka îkûmi na ûmwe (11). Nîwekire maûndû macûku mbere ya Ngai-Mûnene, Ngai wake.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Thaburi 78:12

Methe mao nîmoonire Ngai akîringa ciama, arî Zoani kûndû kûrîa kwaraganu vûrûrirî wa Misiri.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Isaia 57:5

Mue mûgoocagîra ngai cia maveeni rungu rwa mîvuru yonthe. Mûthînjagîra ciana cienyu irî magongoona mîatûkarî ya mathiga.

Jeremia 10:5

Mîvuanano yao îkariî ta inyamû cia kûvavûra iconi irî mûgûndarî wa marenge, ndîngîvota kwaria, nîkwa îkuagwa nîûndû ndîngîvota kûthiî. Ndûkamîtigîre nîûndû ndîngîka ûndû mûcûku, wana kana îka ûndû mwaro.”

Ezek 39:24

Naamekire kûringana na maûndû mao marîa marî mûgiro na mevia mao na ngîmatiganîria.”

Hosea 12:14

Andû a Efiraimu nîmatûmîte Ngai akanwa nî marakara, magîrîrwe nî kûragwa nîûndû nîmavîtîtie, Ngai-Mûnene nîakamaverithia nîûndû wa maûndû macûku marîa mekîte.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Hosea 4:13

Marutagîra magongoona irîmarî îgûrû, marutagîra matega mao tûrîmarî, rungu rwa mîtî mîraca na îyambîte waro, nîûndû kîruru Kîamyo nî kîoro. Kwoguo erîtu akwa nîmavûraga ûmaraa, na aviki enyu makatharia.

Gûco 31:29

Nîmbicî narîkia gûkua nîmûgaatuîka andû aganu na mûregane na maûndû marîa naamwathire mwîkage. Mavinda marîa magaaûka nî mûkaanyitwa nî mîthiro, nîûndû mûkethîrwa mûrakarîtie Ngai-Mûnene na njîra ya gwîka maûndû macûku marîa areganîte namo.”

Josh 23:16

ethîrwa mûtikaarûmîrîra maathani make. Maathani mau nî marîa Ngai-Mûnene, Ngai wenyu aamwîrire mûrûmagîrîre. Na ethîrwa nîmûgaatungatîra na mûgooce ngai ciîngî na mûciînamîrîra, nîakaarakara nîmue na amûverithie. Na vuvarî gûtirî mûndû wana ûmwe gatagatîrî kenyu ûgaatigara vûrûrirî ûyû mwaro Ngai-Mûnene, Ngai wenyu amûveete.”

Atir 6:10

Naamwîrire atî, Nînie Ngai-Mûnene, Ngai wenyu na mûtikagooce ngai cia Aamoni, arîa ene vûrûri ûyû mûtûîre. Nwatî mûtianthikîrîria.’ ”