2Atha 17:24 - ÎVUKU RÎA ÛVORO MWARO

²⁴ Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 17:24 ပူးပေါင်းရင်းမြစ်များ

1Atha 8:65

Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 18:31

Mûtikathikîrîrie Hezekia, nîûndû mûthamaki wa Asîria augîte atî, mwîgucane nake na mwînenganîre kûrî ke. Mue muonthe nîmûgaacoka mûrîcage thavibu kuuma mîthaviburî yenyu, na ngûû kuuma mîkûyûrî yenyu, na mûnyunyage manjî kuuma ithimarî cienyu,

2Atha 18:34

Irî kû ngai cia Hamathi na Aripadi? Irî kû ngai cia Sefarivaimu, Hena, na Iva? Nîivonoketie andû a Samaria kuuma kûrî nie?

2Atha 19:13

Athamaki a Hamathi, Aripadi, mûthamaki wa îtûûra rînene rîa Sefarivaimu, na mûthamaki wa Hena na Iva marî kû?”

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Isaia 10:9

Nîmvoota Kalino wata ûrîa nekire Karikemishi. Nîmvoota Hamathi wata ûrîa nekire Aripadi, na mvoote Samaria wata ûrîa nekire Damesiki.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 36:19

Nîkwa ngai cia Hamathi na cia Aripadi irî kû? Nîkwa ngai cia Sefarivaimu irî kû? Nîivonoketie Samaria kuuma kûrî nie?

Isaia 37:13

Mûthamaki wa Hamathi, na wa Aripadi, wa îtûûra rîa Sefarivaimu, na wa Hena, kana wa Iva marî kû?’ ”

Isaia 37:18

Ûûi Ngai-Mûnene, nîma atî athamaki a Asîria nîmacûkangîtie ndûrîrî cionthe, wana mavûrûri mao,

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Jeremia 50:1

Ûvoro wîgiî Babuloni na vûrûri wa Akalidei, Ngai-Mûnene nîwaririe na mûrathi Jeremia akiuga atîrî,

Mathaayo 10:5

Andû aya îkûmi na aîrî nîmaatûmirwe nî Jesû, na akîmatha atîrî, “Mûtikathiî vûrûrirî wana ûmwe wa andû a ndûrîrî, kana mûthiî îtûûrarî wana rîmwe rîa Asamaria.