Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Atha 17:17 - ÎVUKU RÎA ÛVORO MWARO

17 Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

အခန်းကိုကြည့်ပါ။ ကော်ပီ




2Atha 17:17
33 ပူးပေါင်းရင်းမြစ်များ  

Ngai-Mûnene nîakaaverithia na ainainie vûrûri wa Isiraeli, ta ûrîa kamûthanje kainainaga karî rûnjîrî. Nîakengata andû a Isiraeli kuuma vûrûrirî ûyû mwaro, ûrîa aaveere methe mao ma tene na amanyagie kûraca na Rûnjî rwa Farati nîûndû nîmarakarîtie Ngai-Mûnene na njîra ya kûrûtha mûvuanano wa Ashera, ngai ya mûndûmûka.


Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.


(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.


Nwatî eekire maûndû ta marîa meekagwa nî athamaki a Isiraeli. Wana nwa warutire mûvîcî arî îgongoona rîa îtega rîa kûvîvua kûrî mûvuanano, wata ûrîa andû a mavûrûri marîa Ngai-Mûnene eengataga maume vûrûrirî ûrîa andû a Isiraeli maatonyaga meekaga. Ûndû ûcio warî mûcûku mûno.


Nîmaavîvagîria ûbani îgûrû rîa metha cionthe cia magongoona cia ngai cia maveeni, marûmîrîrîtie mîtugo îrîa yarî na andû arîa Ngai-Mûnene eengatire kuuma vûrûrirî ûcio. Nîmaarakaririe Ngai-Mûnene nîûndû wa maûndû monthe macûku marîa meekire,


andû a Iva nao makîrûtha mîvuanano ya Nibihazi na Taritaki; nao andû a Sefarivati nîmaarutire ciana ciao magongoona irî matega ma kûvîvua kûrî ngai ciao, Adurameleki na Anameleki ngai cia Sefarivaimu.


Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.


Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.


Nîwarutire anake ake marî îgongoona rîa kûvîvua Kîamndarî Kîam mûvîcî wa Hinomu. Nîwarûthire maûndû ma ûragûri, kûringa mbûgû, kûringa ciama na nîwaranagîria na oni maûndû na arogi. Nîwekire maûndû macûku mbere ya Ngai-Mûnene na agîtûma arakare.


Maûndû mama moîrî magaaûka kûrî we wa rîmwe mûthenya ûmwe, gûkuîrwa nî ciana na gûtuîka mûndûmûka wa ndigwa, wana ethîrwa wî na ûrogi mwîngî, na wî na vinya mwîngî wa kûringa mbûgû.


Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.


Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”


Nîmaatumîre ngai ya Baali metha ya kîgongoona nîguo mavîvîrie ciana ciao irî îtega rîa kûvîvua kûrî Baali; ûndû ûrîa nie ndaamatha meke, wana kana nîwîciria.


Kûnarî ûguo, Ngai-Mûnene arauga atî mue nîmwaregire kûmûthikîrîria. Nîmwamûrakaririe nîûndû wa mîvuanano îrîa mwerûthîîre na mûkîîretera thîna mue ene.”


Kwoguo mûtikathikîrîrie arathi enyu, aringi a mbûgû enyu, aroti enyu kana arogi enyu. Andû aya onthe mamwîraga mûtigatungatîre mûthamaki wa Babuloni.


Nîmatumîte metha cia magongoona ciîtagwa ‘Tofethi’ kûu Kîamndarî Kîam Hinomu, nîguo marutîre ciana ciao cia anake na erîtu kuo irî matega ma kûvîvua. Nie ndiamatha meke ûguo, na ûndû ta ûcio ndwanagîa meciriarî makwa.


nîûndû nîwacokire ûkîûraga ciana ciakwa ûkîiruta irî îtega rîa kûvîvua kûrî mîvuanano?


Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.


Rîrîa mûkûruta iveo cienyu na mûkaruta ciana cienyu irî magongoona ma kûvîvua, nîmwîgwatagia gîko mue ene na mîvuanano yenyu yonthe nginya ûmûnthî. Mue andû a Isiraeli, nwa mûrie ûndû kuuma kûrî Nie? Ngai-Mûnene augîte atî wata ûrîa ke atûûraga mwoyo, ndangîtîkîra mûmûrie ûndû.


Nîmarûthîte maûndû ma ûtharia na nîmaûraganîte. Nîmarûthîte maûndû ma ûmaraa na mîvuanano yao, na makamîrutîra ciana ciakwa irî magongoona ma kûvîvua.


Nîûndû mûthenya ûrîa maaûragire ciana ciao na makîiruta irî magongoona kûrî mîvuanano, nîmaatonyire vandû vakwa varîa vatheru na makîvagwatia mûgiro. Ûguo nîguo meekire nyombarî yakwa.


Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.


“Mûtikarîe nyama irî na nthakame na mûtikaragûrie kana mûragûrîrwe.


“Mûtikathiî kûria ûtethio kûrî ago kana oni maûndû. Mweka ûguo, nî mûkaagwatua mîgiro nî o. Nie nînie Ngai-Mûnene, Ngai wenyu.


Nîngaathiria aragûri onthe arîa mwîthagîrwa nao na nîmûtige mûtarî na mûndû wa kûmwonera maûndû.


Na vîndî îmwe rîrîa twathiîte vandû va kûvoera, nîtwatûngirwe nî mwîrîtu ûmwe ngombo, warî na ngoma yamûvotithagia gwîciirîria maûndû marîa maarî mekîke. Mwîrîtu ûcio nîwatûmaga ene ke moone mbeca nyîngî mûno na njîra ya gwîciirîria kûu gwake kwa maûndû marîa maarî mekîke.


Nîtwîcî atî watho uumaga kûrî Ngai, nwatî nie nîrî mûndû wî na mwîrî na wendetue agatuîka ngombo ya mevia.


Tue ene, tûtiagîrîrwe nî gwîtîîa, kûrakara wana kana kwîgucanîra wîru.


Nîmaatûmire Ngai-Mûnene egue wîru nîûndû wa kûgooca ngai cia mîvuanano, na magîtûma arakare nîûndû wa ciîko ciao njûku.


“Rîrîa mûgaatûûra vûrûrirî ûcio wa Kanaani îvinda îraca na mûgîe na ciana, nacio ciana icio igîe na ciana ciacio, mûtikevie mbere ya Ngai-Mûnene, Ngai wenyu, na njîra ya kwîrûthîra mîvuanano ya mûthemba wa wonthe, nîûndû ûndû ûcio nwa ûrakarie Ngai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ