2Atha 17:15 - ÎVUKU RÎA ÛVORO MWARO

¹⁵ Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

2Atha 17:15 ပူးပေါင်းရင်းမြစ်များ

1Atha 11:11

Kwoguo Ngai-Mûnene nîwerire Solomoni atîrî, “Nîûndû nîûregete kwathîkîra kîrîkanîro gîakwa wana irîra cia watho wakwa, na ma nîngûgûcuna ûthamaki na nîûnenganîre kûrî ndungata îmwe yaku.

1Atha 16:13

Baasha na mûvîcî Ela nîmeevirie mbere ya Ngai-Mûnene, Ngai wa Isiraeli na magîtûma andû a Isiraeli mevie nîûndû wa kûgooca mîvuanano. Nîmaarakaririe Ngai-Mûnene Ngai wa Isiraeli.

2Atha 17:8

Nîmaarûmîrîre mîtugo ya andû arîa Ngai-Mûnene eengataga wa andû a Isiraeli makîonaga, na makîambîrîria gwîka maûndû marîa athamaki a Isiraeli maambîrîîrie vûrûrirî.

2Maû 24:19

Kûnarî ûguo Ngai-Mûnene nîwatûmire arathi kûrî andû acio makameere mamûcokerere, nwatî nîmaaregire kûmathikîrîria.

2Maû 33:2

Nîwekire maûndû macûku mbere ya Ngai-Mûnene. Nîwarûmîrîre mîtugo mîcûku ya mavûrûri marîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

2Maû 33:9

Manase nîwaveenererie andû a Juda na a Jerusalemu na nîmeekire maûndû macûku meengî gûkîra marîa meekîtwe nî mavûrûri marîa Ngai-Mûnene aacûkangîtie mbere ya andû a Isiraeli matonya kuo.

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Thaburi 115:8

Andû arîa mairûthaga mekariî ta cio, na arîa onthe maciîvokaga mekariî ta cio.

Thaburi 78:10

Matiavingia kîrîkanîro Kîamo na Ngai, na nîmaaregire kwathîkîra watho wake.

Ntha 16:28

Nake Ngai-Mûnene nîwerire Musa atîrî, “Nîmûtûûra mûregete kwathîkîra maathani na mawatho makwa nginya rî?

Jeremia 10:15

Ngai icio nî cia mana na nî cia kînyarari; vîndî îrîa ikaverithua nî ikathirua.

Jeremia 10:8

Onthe nî irimû na nîaritu; kîrîra Kîam mîvuanano nî Kîam mana!

Jeremia 2:5

Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 44:23

Maûndû mama macûku ûguo mekîkîte kûrî mue nîûndû nîmwîvîrîtie Ngai-Mûnene na njîra ya kûrutîra ngai ciîngî magongoona na kûrega kwathîkîra watho wake, kûrega kwathîkîra maathani make.”

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Ezek 12:2

“Mûndû, we ûtûûranagia na andû aremi. Marî na metho ma kwona nwatî mationaga, marî na matû ma kwîgua nwatî matiîgucaga,

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Alawi 26:15

mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Johana 2:8

Nake nîwacokire akîmeera atîrî, “Rîu ta tavani na mûthiî mûvirîre mûrûngamîrîri wa kîrugo.” Nacio nîciamûvirîre.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

Gûco 18:10

Gatagatîrî kenyu gûtikethîrwe kûrî na mûndû wa wonthe ûkaaruta mûvîcî, kana mwarî arî îgongoona rîa kûvîvua. Gûtikethîrwe kûrî na mûragûri, mûndûmûgo kana mûringi mbûgû,

Gûco 29:24

Mavûrûri monthe ma nthî nîmakaaûria, ‘Nîndûî gîatûmire Ngai-Mûnene acûkangia vûrûri ûyû? Nîndûî gîatûmire agîe na marakara meengî ûguo?’

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.