2Atha 16:14 - ÎVUKU RÎA ÛVORO MWARO

¹⁴ Ahazi nîwarutire metha ya kîgongoona ya gîcango îrîa yamûrîrîtwe Ngai-Mûnene, îrîa yarî gatagatî ka metha yake ya kîgongoona na hekarû na akîmîvira mwena wa rûgûrû wa metha yake ya kîgongoona.

2Atha 16:14 ပူးပေါင်းရင်းမြစ်များ

2Atha 16:11

Kwoguo mûthînjîri-Ngai Uria nîwatumire metha ya kîgongoona îkariî ta îrîa yarî Damesiki viû, na akîmîrîkia mbere ya mûthamaki Ahazi acoka kuuma Damesiki.

2Atha 16:13

Nîwarutîre vo îtega rîake rîa kûvîvua, îtega rîa irio cia mûgûnda, nîwetûrûrire îtega rîa ndivei, na akîminja nthakame ya matega make ma thayû îgûrû rîayo.

2Atha 16:15

Mûthamaki Ahazi nîwacokire akîatha mûthînjîri-Ngai Uria atîrî, “Tûmagîra metha îno nene yakwa ya kîgongoona rîrîa ûkûruta matega ma kûvîvua kîraûko, matega ma irio cia mûgûnda kîvwaî, îtega rîa kûvîvua rîa mûthamaki na îtega rîake rîa irio cia mûgûnda, îtega rîa kûvîvua rîa andû onthe, îtega rîao rîa irio cia mûgûnda, îtega rîao rîa ndivei, na ûminjage îgûrû rîayo nthakame yonthe ya kîgongoona. Nwatî nînie ngaatûmagîra metha ya kîgongoona ya gîcango rîrîa ngwaria na Ngai-Mûnene.”

2Maû 1:5

Metha ya kîgongoona ya gîcango îrîa yatumirwe nî Bezaleli mûvîcî wa Uri wanayo yarî Gibeoni îrî mbere ya îgema rîa Ngai-Mûnene. Uri, îthe wa Bezaleli aarî mûvîcî wa Huri. Kwoguo mûthamaki Solomoni na andû onthe arîa maagomanîte nî maagoocire Ngai-Mûnene marî kûu.

2Maû 29:19

Nîtûratheririe indo cionthe irîa mûthamaki Ahazi aarutîte hekarûrî na twaicokia na irî mbere ya metha ya kîgongoona ya Ngai-Mûnene. Ahazi aarutîte indo icio nîûndû ndeevokete Ngai-Mûnene vîndî îrîa aarî mûthamaki.”

2Maû 4:1

Mûthamaki Solomoni nîwatumire metha ya kîgongoona ya gîcango ya ûraca wa mita kenda (9), na wariî wa mita kenda (9). Ûraca na wariî wayo nîcieganene. Naguo ûraca wayo na îgûrû warî wa mita inya na cendimita mîrongo îtano (4.50).

Ntha 27:1

“Ûgaatuma metha ya kîgongoona ya mûtî wa mûgaa. Metha îo ya kîgongoona îthîrwe îganene mîena yonthe; wariî wa mita igîrî na inji igîrî, na ûraca wa mita igîrî na inji igîrî. Naguo ûraca na îgûrû îthîrwe îrî ya mita îmwe na inji ithatû.

Ntha 27:2

Îgûrû rîa metha ya kîgongoona ûkaarûtha mîtî yumîrîte ta mvîa mîthiiarî yayo îna, na metha îo yonthe ûkaamîvaka gîcango.

Ntha 40:29

Nîwaigire metha ya kîgongoona ya kûvîvîrua matega vau mbere ya mûromo wa îgema rîa Ngai-Mûnene. Nîwacokire akîrutîra matega ma kûvîvua metharî îo na matega ma irio cia mûgûnda wata ûrîa Ngai-Mûnene aamwathîte.

Ntha 40:6

Nayo metha ya kîgongoona ya kûvîvîrua matega ûkaamiga mbere ya mûromo wa îgema rîa Ngai-Mûnene.

Ezek 43:8

Athamaki ao maatumire mîromo na mbaû cia mîromo ya nyomba ciao cia ûthamaki vakuvî na mîromo ya hekarû yakwa ivakanîtue nî rûthingo. Nîmaagwatirie gîko rîîtwa rîakwa rîtheru na njîra ya maûndû marî magigi marîa meekire, kwoguo nîrî na marakara nînaamathiririe.

Mathaayo 23:35

Kwoguo, nîngaamûverithia nîûndû wa kûûraga andû onthe arîa athingu, kuuma kûûragwa kwa Habili nginyagia kûûragwa gwa Zakaria mûrû wa Barakia, ûrîa mwaûragîre gatagatîrî ka hekarû na metha ya kîgongoona.