2Atha 16:10 - ÎVUKU RÎA ÛVORO MWARO

¹⁰ Rîrîa mûthamaki Ahazi aathiîre Damesiki gûtûnga Tigilathi Pilesa, mûthamaki wa Asîria, nîwonire metha ya kîgongoona îrîa yarî Damesiki. Mûthamaki Ahazi nîwatûmîre mûthînjîri-Ngai Uria mûvano wa metha îo ya kîgongoona vamwe na mbica yayo yonanîtie viû ûrîa îtumîtwe.

2Atha 16:10 ပူးပေါင်းရင်းမြစ်များ

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 16:11

Kwoguo mûthînjîri-Ngai Uria nîwatumire metha ya kîgongoona îkariî ta îrîa yarî Damesiki viû, na akîmîrîkia mbere ya mûthamaki Ahazi acoka kuuma Damesiki.

2Atha 21:4

Nîwatumire metha cia kîgongoona hekarûrî ndaarî, kûrîa Ngai-Mûnene aaugîte atîrî, “Rîîtwa rîakwa rîkaagocagîrwa Jerusalemu.”

1Maû 28:19

Mûthamaki Daudi nîwaugire atîrî, “Maûndû mama monthe nînîmandîkîte nûmîrîrîte ûtaari kuuma kûrî Ngai-Mûnene ke mwene na nîwamvotithirie gûtaûkîrwa nî mûvano ûcio wonthe.”

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Ntha 24:4

Nake Musa nîwandîkire maûndû monthe marîa Ngai-Mûnene aamwathîte. Mûthenya ûcio wîngî kîraûko tene Musa nîwaramûkire na agîtuma metha ya kîgongoona nthî ya kîrîma na akînjîra itugî îkûmi na igîrî kûringana na mîvîrîga îrîa îkûmi na îîrî ya andû a Isiraeli.

Ntha 39:43

Musa nîwaroririe wîra wonthe na akîona atî nîwarutîtwe wata ûrîa Ngai-Mûnene aathanîte. Kwoguo Musa nîwamarathimire.

Isaia 8:2

Kwoguo nînocire andû aîrî evokeku, matuîke aira, nao nî: mûthînjîri-Ngai Uria na Zekaria, mûvîcî wa Jeberekia.

Jeremia 10:2

Ngai-Mûnene arauga atîrî, “Mûtikarûmîrîre mîthiîre ya mavûrûri marîa mengî, na mûtikamakue nî marûûri ma îgûrû, nîûndû mavûrûri marîa mengî nîmaramakua nîmo.

Ezek 16:28

“Nîwavûrire ûmaraa na andû a Asîria nîûndû ndweganîra; nîma nîwavûrire ûmaraa nao na ndweganîra.

Ezek 43:11

Mangîgua maconokete nîûndû wa maûndû marîa mekire, matarîrie mûcoro wa hekarû: ûrîa îtumîtwe, mîromo yayo ya gûtonya na ya kuuma na nja, ûrîa îvuana, ûrîa indo cionthe ivangîtwe na irîra na mawatho mayo monthe. Ûcoke ûmandîkîre maûndû mau monthe nîguo monage ûrîa indo cionthe ivangîtwe na mavotage kûrûmîrîra mawatho mau.

Ezek 43:8

Athamaki ao maatumire mîromo na mbaû cia mîromo ya nyomba ciao cia ûthamaki vakuvî na mîromo ya hekarû yakwa ivakanîtue nî rûthingo. Nîmaagwatirie gîko rîîtwa rîakwa rîtheru na njîra ya maûndû marî magigi marîa meekire, kwoguo nîrî na marakara nînaamathiririe.

Ezek 44:12

Nie Mwathani Ngai-Mûnene nînîvîtîte nîûndû wao ngiuga nîngaamaverithia nîûndû mevia mao nîmaavîtithirie andû a Isiraeli magîtûma magooce mîvuanano.

Mathaayo 15:6

Mue mûthomithagia atî mûndû ta ûcio ndagatîîe îthe kana ng'ina. Na njîra ta îno mue nîmûregaga kwathîkîra maathani ma Ngai nîguo mûrûmîrîre kîrîra kîenyu.

Mathaayo 15:9

Ûgooci ûrîa mamvecaga ndûrî vata, nîûndû o mathomithanagia mawatho marîa mathondeketwe nî andû, takwa arî mo mawatho makwa.’ ”

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Gûco 12:30

Ngai-Mûnene Ngai wenyu arîkia kûthiria andû acio, menyererani mûtikagwe mûtegorî wa kûrûmîrîra ngai ciao mûkîûria atîrî, ‘Andû a mavûrûri mama maagoocaga ngai ciao atîa, nîguo wanatue tûgoocage ta o?’

Josh 22:28

Tweciragia atî ethîrwa ûndû ûcio nîûgekîka, njiarwa cietû nîikaauga atî, ‘Taroria! Methe metû maatumire metha ya kîgongoona îkariî ta metha ya Ngai-Mûnene ya kîgongoona. Ndîarî ya kûrutîra matega ma kûvîvua kana ya kûrutîra magongoona, nwatî maamîtumire ûrî ûndû wa kwonania atî wanatue tûrî a Ngai-Mûnene’.

1Pet 1:18

Mue nîmwîcî atî nîmwakûrirwe kuuma mîtûûrîrerî îtarî vata îrîa mwatigîrwe nî methe menyu ma tene. Mûtiakûûrwa na na kîndû ta sîlûva kana thaavu irîa ingîcûka.