2Atha 15:29 - ÎVUKU RÎA ÛVORO MWARO

²⁹ Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 15:29 ပူးပေါင်းရင်းမြစ်များ

1Atha 14:15

Ngai-Mûnene nîakaaverithia na ainainie vûrûri wa Isiraeli, ta ûrîa kamûthanje kainainaga karî rûnjîrî. Nîakengata andû a Isiraeli kuuma vûrûrirî ûyû mwaro, ûrîa aaveere methe mao ma tene na amanyagie kûraca na Rûnjî rwa Farati nîûndû nîmarakarîtie Ngai-Mûnene na njîra ya kûrûtha mûvuanano wa Ashera, ngai ya mûndûmûka.

1Atha 15:20

Nake mûthamaki Benihadadi nîwetîkîre ûrîa mûthamaki Asa aamwîrire, na nîwatûmire anene a athigari ake a mbaara mathiî makatharîkîre matûûra marîa manene ma Isiraeli. Nîmaavootire Ijoni, Dani, Abeli-bethi-maaka na kûndû kûrîa kwarî vakuvî na Îria rîa Galili, vamwe na vûrûri wonthe wa Nafutali.

1Atha 9:11

Mûthamaki Hiramu wa Turo nîwavete Solomoni mbaû cionthe cia mîtarakwe na cia mîthithinda vamwe na thaavu cionthe irîa eendaga nîûndû wa wîra ûcio. Kwoguo Solomoni nîwacokire akîva Hiramu matûûra mîrongo îîrî vûrûrirî wa Galili.

2Atha 15:19

Tigilathi Pilesa, mûthamaki wa Asîria nîwatharîkîre vûrûrirî wa Isiraeli, na Menahemu Nîwamûvere kilo ngiri mîrongo îthatû na inya (34,000) cia sîlûva, nîguo Tigilathi Pilesa amûtethie gûtûma ûthamaki wake wîvande na athiî na mbere kwathana.

2Atha 15:20

Menahemu nîwacunire andû onthe a Isiraeli arîa maarî itonga wa mûndû tûcunjî mîrongo îtano twa sîlûva (50) na vinya. Kwoguo Tigilathi Pilesa nîwacokire vûrûrirî wake.

2Atha 15:28

Nîwevîrie Ngai-Mûnene na njîra ya gwîka maûndû macûku ta marîa meekagwa nî mûthamaki Jeroboamu, mûvîcî wa Nefati, ûrîa watûmire andû a Isiraeli mevie.

2Atha 15:30

Mwakarî wa mîrongo îîrî (20) Jothamu. Mûvîcî wa Uzia arî mûthamaki wa Juda, Hoshea mûvîcî wa Ela nîwavangire ûrîa akûraga mûthamaki Peka. Nîwamûragire na agîtuîka mûthamaki vuva wake.

2Atha 16:10

Rîrîa mûthamaki Ahazi aathiîre Damesiki gûtûnga Tigilathi Pilesa, mûthamaki wa Asîria, nîwonire metha ya kîgongoona îrîa yarî Damesiki. Mûthamaki Ahazi nîwatûmîre mûthînjîri-Ngai Uria mûvano wa metha îo ya kîgongoona vamwe na mbica yayo yonanîtie viû ûrîa îtumîtwe.

2Atha 16:7

Kwoguo Ahazi nîwatûmire anjaama kûrî Tigilathi Pilesa mûthamaki wa Asîria makamwîre atîrî, “Nie nîrî ndungata yaku, ûka ûmvonokie kuuma kûrî mûthamaki wa Sîria na kuuma kûrî mûthamaki wa Isiraeli arîa marantharîkîra.”

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 18:11

Mûthamaki wa Asîria nîwavirire andû a Isiraeli Asîria marî mîgwate, na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 19:11

We nîwîguîte ûrîa athamaki a Asîria macûkangîtie mavûrûri monthe viû. We ûreciria nîûkûvonoka?

2Atha 8:11

Elisha nîwaroririe Hazaeli ûthiûrî wake na vinya nginya Hazaeli akîgua nthoni, na wa rîmwe Elisha nîwatumûkire na kîrîro.

1Maû 5:22

Nîmaaûragire andû a Hagiri eengî nîûndû nîmaatethagua mbaararî nî Ngai. Nao nîmaatûûrire vûrûrirî ûcio nginya rîrîa maavirirwe îthamîriorî.

1Maû 5:26

Kwoguo Ngai wa Isiraeli nîwatûmire Puli mûthamaki wa Asîria (na nîke wecîkene na rîîtwa rîngî Tigilathi Pileseri) atharîkîre vûrûri wao. Mûvîrîga wa Reubeni, Gadi na Manase ya mwena wa îrathîro nîmaatavirwe na makîvirwa îthamîriorî. Mûthamaki wa Asîria nîwamavirire Hala, Haboru, Hara na rûnjîrî rwa Gozani kûrîa matûûraga nginya ûmûnthî.

1Maû 5:6

Beera aarî mûvîcî wa Baali na aarî mûtongoria wa mûvîrîga wa Reubeni. Tigilathi Pileseri mûthamaki wa Asîria nîwarûire na Beera, akîmûnyita na akîmûvira îthamîriorî.

2Maû 16:4

Nake mûthamaki Benihadadi nîwetîkîre ûrîa mûthamaki Asa aamwîrire, na nîwatûmire anene a athigari ake a mbaara mathiî makatharîkîre matûûra marîa manene ma Isiraeli. Nîmaavootire Ijoni, Dani, Abeli-bethi-maaka vamwe na matûûra monthe ma vûrûri wa Nafutali kûrîa kwaigagwa indo.

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Isaia 1:7

Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 37:18

Ûûi Ngai-Mûnene, nîma atî athamaki a Asîria nîmacûkangîtie ndûrîrî cionthe, wana mavûrûri mao,

Isaia 7:16

Mbere ya kaana kau kamenya kûthuura maûndû maro na kûrega maûndû macûku, mavûrûri ma athamaki aîrî arîa mamwîguithagia guoya makethîrwa marî matiganîrie.

Isaia 7:20

“Vîndî îo, Mwathani nîagaakombora kawembe kuuma mûringo wa rûnjî rwa Farati: kawembe kau nî mûthamaki wa Asîria! Nîakenja njuîrî cia ciongo cienyu, njuîrî cia mîîrî yenyu wana nderu cienyu.

Ezek 23:9

Kwoguo nînaamûnenganîre kûrî anyanya acio ake a Asîria arîa eeriragîria mûno.

Alawi 26:32

Ngaacûkangia vûrûri wenyu viû, nacio nthû cienyu irîa îgaatûûra kuo nî ikaamakua nî ûrîa vûrûri ûcio ûkethîrwa ûcûkangîtue.

Amosi 1:13

Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.

Amosi 1:3

Ngai-Mûnene arauga atîrî, Andû a Damesiki nîmevîtie rîngî wana rîngî, kwoguo ndigatiga kûmaverithia. Nîmeekire andû a Gileadi ûndû mûcûku mûno, ta ngano ikîthîwa na gîkaari gîa cuuma.

Amosi 5:27

Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.

Amosi 6:14

Ngai-Mûnene, Mwene vinya wonthe arauga atîrî, “Nîngûreta vûrûri mûgeni ûmûtharîkîre, ûkaamûvinyîrîria kuuma mwîrîgarî wa Hamathi nginya karûnjî ka Araba.”

Ndari 32:1

Andû a mûvîrîga wa Reubeni na wa Gadi maarî na ndîthia nyîngî mûno. Rîrîa moonire vûrûri wa Jazeri na vûrûri wa Gileadi warî na kûndû kwaro kwa ndîthia ciao,

Ndari 32:40

Kwoguo Musa nîwavere andû a mûvîrîga wa Makiru vûrûri wa Gileadi na magîtûûra kuo.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 3:15

“Nînaacokire ngîva andû a mbarî ya Makiru, wa mûvîrîga wa Manase vûrûri wa Gileadi.

Josh 11:1

Jabini mûthamaki wa Hazoru nîwegwire ûrîa andû a Isiraeli maavootanîte. Nîwacokire agîtûmana kûrî mûthamaki Jobabu wa Madoni, kûrî mûthamaki wa Shimuroni na mûthamaki wa Akishafu,

Josh 11:10

Joshua nîwacokire akîthiî îtûûrarî rîa Hazoru na akîrînyita na akîûraga mûthamaki wakuo. (Kavinda kau Hazoru nîyo yarî na vinya mûno gûkîra mothamaki mau mengî.)

Josh 11:13

Matûûra marîa maatumîtwe tûrîmarî matiavîvua. Nwatî Joshua na athigari ake nîmaavîvirie îtûûra rîa Hazoru rîonga.

Josh 12:19

Madoni, Hazoru,

Josh 16:6

Kuuma Bethi Horoni nîwathiîte ûkathirîra îriarî rîa Mediterania. Mikimethathi yarî mwena wa rûgûrû. Kuuma Mikimethathi nîwegatîte na mwena wa îrathîro werekerete Taanathi-shilo na ûkathiî mbere mwena wa îrathîro nginya Janoa.

Josh 19:35

Kwarî na matûûra maarî mairigîre vûrûrirî wa Nafutali. Namo matûûra mau nî: Zidimu, Zeri, Hamathi, Rakathu, Kinerethi,

Josh 19:37

Kedeshi, Ederei, Enihazoru,

Josh 20:7

Kwoguo nîmaamûrire îtûûra rîa Kedeshi rîrîa rîrî Galili vûrûrirî ûrîa ûrî irîma wa Nafutali. Nîmaacokire makîamûra Shekemu îtûûra rîrîa rîrî vûrûrirî ûrîa ûrî irîma wa Efiraimu na Heburoni (Nîrîo Kiriathariba) vûrûrirî wa Juda ûrîa ûrî irîma.

Atir 18:30

Andû a Dani nîmaarûthire mûvuanano wa kûgoocagwa. Jonathani mûvîcî wa Gerishomu, Gerishomu mûvîcî wa Musa na ndungata ciake nîo maatungataga marî athînjîri-Ngai kûu mûvîrîgarî wa Dani nginya rîrîa vûrûri ûcio watavirwe.

Atir 4:2

Kwoguo Ngai-Mûnene nîwamarekererie makîvootwa nî mûthamaki Jabini wa Kanaani. Jabini aathanaga arî îtûûrarî rîa Hazoru. Mûtongoria wa athigari ake eetagwa Sisera, na aatûûraga Haroshethu-hagoimu.