2Atha 15:19 - ÎVUKU RÎA ÛVORO MWARO

¹⁹ Tigilathi Pilesa, mûthamaki wa Asîria nîwatharîkîre vûrûrirî wa Isiraeli, na Menahemu Nîwamûvere kilo ngiri mîrongo îthatû na inya (34,000) cia sîlûva, nîguo Tigilathi Pilesa amûtethie gûtûma ûthamaki wake wîvande na athiî na mbere kwathana.

2Atha 15:19 ပူးပေါင်းရင်းမြစ်များ

2Atha 12:18

Joashi, mûthamaki ma Juda nîwocire matega monthe marîa Jehoshafati, Jehoramu, na Ahazia, athamaki a Juda maamûrîrîte Ngai-Mûnene. Nîwamonganîrîrie na matega make ke mwene vamwe na thaavu yonthe îrîa yarî mûthithûrî wa hekarû na nyomba ya mûthamaki na agîitûma cionthe irî kîveo kûrî Hazaeli mûthamaki wa Sîria. Hazaeli nîwacokire akiuma Jerusalemu.

2Atha 14:5

Rîrîa ûthamaki wevandire waro ûrî rungu rwa Amazia, Amazia nîwaûragire ndungata ciake cionthe irîa ciaûragîte îthe, mûthamaki.

2Atha 15:18

Nîwevîrie Ngai-Mûnene, nîûndû nginya mûthenya ûrîa aakwire, aatwîre ekaga mevia ta marîa meekagwa nî mûthamaki Jeroboamu, mûvîcî wa Nefati marîa maatûmire andû a Isiraeli mevie.

2Atha 15:20

Menahemu nîwacunire andû onthe a Isiraeli arîa maarî itonga wa mûndû tûcunjî mîrongo îtano twa sîlûva (50) na vinya. Kwoguo Tigilathi Pilesa nîwacokire vûrûrirî wake.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 16:8

Ahazi nîwocire sîlûva na thaavu irîa ciarî hekarûrî vamwe na indo cia vata cia nyomba ya mûthamaki na agîitûmana irî kîveo kûrî mûthamaki wa Asîria.

2Atha 18:16

Hezekia nîwang'arire thaavu îrîa aavakîte mîrangorî na îrîa yavakîtwe itugîrî cia kûrûngamia mîrango, na akîmîtûmana yonthe kûrî Senakeribu.

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Thaburi 83:8

Asîria wanao nîmanyitanîrîte nao, andû arîa marî vinya a rûciaro rwa Loti.

Isaia 9:1

Vûrûri ûrîa wecûrîtwe nî kîeva ndûkethîrwa ûrî na mathîna rîngî. Tene Ngai nîwatûmire mavûrûri ma Zebuluni na Nafutali mamenererue, nwatî vuvarî nîagaatûma Galili kûrîa andû a ndûrîrî matûûraga kûgîe na ûkumio. Vûrûri ûyû nî ûrîa ûrî njîrarî îrîa îthiîrîrîte gatagatî ka îria na Jorodani.

Jeremia 17:5

Ngai-Mûnene arauga atîrî, “Kûgwatwa nî kîrumi nî mûndû ûrîa wîvokaga mûndû, na akevoka vinya wake wa mwîrî, na ûrîa ngoro yake îreganîte na Ngai-Mûnene.

Jeremia 50:17

Ngai-Mûnene arauga atîrî, “Andû a Isiraeli mekariî ta ng'ondu ivinyûrîtue na ikanyaganua nî mûnyambû. Maambire kûtharîkîrwa nî mûthamaki wa Asîria, magîcoka makîtharîkîrwa nî Nebukadinezarû mûthamaki wa Babuloni.

Ezek 23:5

Ohola anarî mûka wakwa, nîwavûraga ûmaraa na kwîrirîria andû arîa mendanîte nao a kuuma Asîria.

Hosea 10:6

Mûviano ûcio nîûkaavirwa Asîria, ûrî ta gooti kûrî mûthamaki mûnene. Andû a Efiraimu nîmagaconorithua, Andû a Isiraeli nîmagaconoka nîûndû wa mûviano wao.

Hosea 5:13

Rîrîa andû a Efiraimu mamenyire kûrîa marwarîte, na andû a Juda makîona ironda ciao, andû a Efiraimu nîmaathiîre Ashuru, kûvoya ûtethio kûrî mûthamaki mûnene; nwatî mûthamaki ndavota kûmathondeka, wana ndavota kûvonia ironda ciao.