Maûndû marîa mengî monthe marîa Joashi eekire wa vamwe na ûrîa aarûire na Amazia, mûthamaki wa Juda arî na ûcamba nîmandîke Îvukuurî rîa Maûndû ma Tene ma Athamaki a Isiraeli.
Maûndû marîa mengî monthe marîa Jehoashi eekire, wa vamwe na ûcamba ûrîa oonanirie rîrîa maarûaga na Amazia, mûthamaki wa Juda nîmandîke Îvukuurî rîa Maûndû ma Tene ma Athamaki a Isiraeli.
Mwakarî wa îkûmi na îtano Amazia, mûvîcî wa Joashi arî mûthamaki wa Juda, Jeroboamu mûvîcî wa Joashi nîwatuîkire mûthamaki wa Isiraeli na nîwathanire arî Samaria îvinda rîa mîaka mîrongo îna na ûmwe (41).
Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.
Ino nîcio ciugo cia Amosi. Amosi aarî ûmwe wa arîthi a kuuma îtûûra rîa Tekoa. Mîaka îîrî mbere ya kîthingithia, rîrîa Uzia aarî mûthamaki wa Juda, na Jeroboamu mûvîcî wa Joashi arî mûthamaki wa Isiraeli, Ngai nîwaguûrîrie Amosi maûndû mama megiî Isiraeli.