2Atha 14:10 - ÎVUKU RÎA ÛVORO MWARO

¹⁰ Nîma Amazia rîu nîûvootete andû a Edomu, na wî mwîcûre nî mwîtîîo. Îganîra na ngumo îo yaku na wîkare mûciî. Ûracaria thîna îrîa îgaakûretere mînyamaaro we na andû aku a Juda nîkî?”

2Atha 14:10 ပူးပေါင်းရင်းမြစ်များ

2Atha 14:7

Amazia nîwaûragîre athigari a Edomu Kîandarî gîa cumbî na akîîgwatîra îtûûra rînene rîa Sela na akîrîta Jokitheeli, na nwaguo rîtagwa nginya ûmûnthî.

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

2Maû 32:25

Nwatî Hezekia nîwaregire gûcokeria Ngai-Mûnene ngatho nîûndû wa maûndû marîa aamwîkîte. Hezekia nîwagîre na mwîtîîo na ûndû ûcio ûgîtûma Juda na Jerusalemu iverithua nî Ngai-Mûnene.

2Maû 35:21

Nwatî Neko nîwatûmire anjaama ake kûrî Josia makamûrie atîrî, “Mûthamaki wa Juda, nie nawe tûrarutana kû? Tîwe nîratharîkîra, nwatî nî nthû ciakwa nîratharîkîra, na Ngai ambathîte mbîke ûguo na îvenya. Tiga kûregana na Ngai nîûndû arî mwena wakwa na ethîrwa tî ûtigana nanie nî agûkûûraga.”

Ntha 8:9

Musa nîwacokerie mûthamaki atîrî, “Nie nîngûkena ngîvoya nîûndû waku. Uga nî vîndî îrîkû ûkwenda ngaamûthaitha nîûndû waku, anene aku na andû aku. Nacio ciûra cionthe nîikaathengutua kûrî mue itigare rûnjîrî rwa Nailo tu.”

Nthi 15:18

Mûndû wa kûrakara na îvenya nîatûmaga kûgîe na ngucanio, nwatî mûndû ûrîa ûtarakaraga na îvenya nîathiragia ngarari.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Nthi 17:14

Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Nthi 20:3

Andû arîa aritu mekaraga vîndî cionthe magîkararanagia, mûndû ûrîa ûragîra ngucanio nîavecagwa gîtîîo.

Nthi 25:8

ndûkavinyûre kûûvira îgootirî; nîûndû mûthiiarî mûndû wîngî angîruta ûira wa kwonania atî we ûrî na mavîtia, ûgaacoka wîke atîa?

Nthi 26:17

Mûndû ûrîa wîtonyagia ngararirî itamûkoniî ekariî ta mûndû ûrîa ûcemanagia na ngui njîrarî akamînyita matû.

Nthi 3:30

Ndûgatetanie na mûndû vatarî na gîtûmi, rîrîa gûtarî ûndû mûcûku agwîkîte.

Ezek 28:5

Ûûgî wa kwendia na kûgûra indo nîwongererete ûtonga waku na ûkagîa na mwîtîîo ngororî nîûndû wa ûtonga ûcio waku!

Ezek 38:17

Kinthî tîwe, nie Mwathani Ngai-Mûnene naririe ûvoro waku tene na njîra ya arathi a Isiraeli ndungata ciakwa, ngiuga atî vîndî îmwe nîngaagûtûma akatharîkîre Isiraeli?”

Ezek 38:2

“We mûndû, vûgûka ûrorie Gogu mûthamaki wa vûrûri wa Magogu, na nîke mûtongoria mûnene wa vûrûri wa Mesheki na vûrûri wa Tubali. Ratha maûndû mamwîgiî,

Ezek 38:5

Maratethererua nî athigari a mbaara a kuuma Perisia, Ethiopia na Lîbia marî vamwe na athigari a Gogu. Onthe marî na ngo na ngovia cia cuuma cia kûgitîra ciongo.

Danieli 11:12

Nîagaakena mûno arîkia kûvoota gîkundi kîu Kîam athigari a Sîria, nwatî ndagaatûûra avootanaga.

Habakuku 2:4

Ino nîyo ndûmîrîri: ‘Taroria arîa marî mwîtîîo nîmagacûkangua, nao arîa athingu nîmagatûûra nîûndû wa gwîtîkia Ngai.’ ”

Habakuku 2:5

Ûtonga nîûtûmaga mûndû aveenanie; andû arîa etîi mativurûkaga, mekariî ta gîkuû kîo kîene, matiîganagîra. Kîu nîkîo gîtûmaga eyûnganîria ndûrîrî cionthe, na agacokanîrîria andû onthe matuîke ake.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Jakuvu 1:9

Akristiano arîa athîni nîmagîrîrwe nî gûkenaga rîrîa Ngai amanenevia.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”

Atir 9:52

Rîrîa Abimeleki aathiîre vakuvî na nyomba îo ndaca nîguo amîtharîkîre, nîwathiîre vakuvî na mûrango nîguo amîvîvie.