2Atha 13:5 - ÎVUKU RÎA ÛVORO MWARO

⁵ Kwoguo Ngai-Mûnene nîwatûmîre andû a Isiraeli mûtongoria, ûrîa wamavonokirie kuuma kûrî andû a Sîria. Kwoguo andû a Isiraeli nîmaatûûrire mîciîrî yao marî na thayû wata ûrîa maatûûraga mbere.

2Atha 13:5 ပူးပေါင်းရင်းမြစ်များ

2Atha 13:25

Jehoashi, mûthamaki wa Isiraeli nîwacokire akîvoota Benihadadi maita mathatû na akîîgwatîra rîngî matûûra manene ma Isiraeli marîa moocetwe nî Benihadadi kuuma kûrî îthe Jehoahazi marî mbaararî.

2Atha 14:25

Nîwacokirie rîngî vûrûri wonthe ûrîa warî wa andû a Isiraeli kuuma mwanyarî wa Hamathi mwena wa rûgûrû nginya Îriarî rîa Araba mwena wa îveti. Ûguo nîguo Ngai-Mûnene Ngai wa Isiraeli aaugîte na njîra ya ndungata yake mûrathi Jona, mûvîcî wa Amitai. Jona aarî wa kuuma Gathu Heferi.

2Atha 14:27

Nwatî Ngai-Mûnene ndaarî na mworoto wa kûthiria viû andû a Isiraeli gûkû nthî. Kwoguo nîwamavonokirie kûvîtûkîrîra kûrî Jeroboamu, mûvîcî wa Joashi.

1Maû 11:2

Mbererî wana rîrîa Saûlo aarî mûthamaki nîwatongoririe andû a Isiraeli makîthiî kûrûa. Nake Ngai-Mûnene, Ngai waku nîwakwîrire atî nîûgaatongoria andû ake na ûtuîke mûnene wao.”

Nehemia 9:27

Kwoguo nîwamanenganîre kûrî nthû ciao na nthû icio ikîmaûkîrîra. Vîndî ya mînyamaaro îo nîmaagûkaîre, nawe ûrî îgûrû nîwegwire kîrîro Kîamo. Nîûndû wa ntha ciaku nyîngî nîwamavere atongoria, arîa maamavonokirie kuuma kûrî nthû ciao.

Esita 4:14

Nîûndû ûngîkira îvinda ta rîrî, Ayahudi nîmakaagîa ûtethio kuuma vandû vengî, nwatî we vamwe na andû onthe a mûciî wa aguo nîmûkaaûragwa. Nû wicî atî twa kwîthîrwa we watuîkire mûka wa mûthamaki nîûndû wa îvinda ta rîrî?”

Ntha 4:10

Nwatî Musa nîwaugire atîrî, “Ngai-Mûnene, we Mwathani wakwa, ndûkandûme nie. Ndicî kwaria waro kuuma tene, wana kuuma vîndî îrîa wambîrîrie kûmbarîria na nînyenyaga.”

Isaia 19:20

Metha îo ya kîgongoona îgaatuîka kîmenyithia na ûira kûrî Ngai-Mûnene mwene vinya wonthe vûrûrirî wa Misiri. Rîrîa andû a kuo makaarîrîra Ngai-Mûnene amatethie kuuma kûrî arîa mamavinyagîrîria, ke nîakaamatûmîra mûmatethia wa kûmagitîra na kûmavonokia.

Obadia 1:21

Andû arîa magaatigara marî mwoyo nîmakaathiî kîrîmarî gîa Zayuni, nao nîmakaathaga kîrîma gîa Esaû, Nake Ngai-Mûnene nîke ûgaatuîka mûthamaki.”

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Gûco 19:4

Ethîrwa mûndû wa wonthe nwa aûrage mûndû ûtarî nthû yake atakwenda, nwa aûrîre îtûûrarî rîmwe rîa mau na ethîrwe arî mûgitîre.

1Sam 12:11

Nake Ngai-Mûnene nîwatûmire Gideoni, Baraki, Jevitha na mûthiiarî akîndûma. Wa ûmwe wa cietû nîwamûvonokirie kuuma kûrî nthû cienyu na mûgîtûûra mûrî na thayû.

1Sam 19:7

Kwoguo Jonathani nîwetire Daudi na akîmwîra maûndû monthe, agîcoka akîvira Daudi kûrî Saûlo, nake Daudi akîthiî na mbere gûtungatîra mûthamaki wata ûrîa eekaga mbere.