2Atha 13:21 - ÎVUKU RÎA ÛVORO MWARO

²¹ Vîndî îmwe andû marî mathikorî nîmoonire gîkundi Kîam athigari gîûkîte kûmatharîkîra. Andû acio nîmaaikirie kimba Kîam mûndû ûcio mbîrîrarî îrîa Elisha aathikîtwe magîcoka makîûra. Vîndî wa îo kimba kîu Kîamvutia mavîndî ma Elisha, mûndû ûcio nîwariûkire na akîrûngama.

2Atha 13:21 ပူးပေါင်းရင်းမြစ်များ

2Atha 13:22

Hazaeli mûthamaki wa Sîria nîwavinyagîrîria andû a Isiraeli vîndî îrîa yonthe Jehoahazi aarî mûthamaki.

2Atha 4:35

Elisha nîwacokire agîûkîra, agîceracera kûu nyomba, agîcoka agîtûa ûrîrî na agîîtambarûkia îgûrû rîa kaana kau rîngî. Kaana kau nîgaativire maita mûgwanja, na gagîcoka gakîvingûra metho mako.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Johana 11:44

Lazaro nîwaumire arî mwove na itamî njara na magûrû na akovwa na gîtamî ûthiû. Jesû nîwerire andû arîa maarûngamîte vo atîrî, “Mwovoreni na mûreke athiî.”

Johana 5:25

Nie nîramwîra na ma atî îvinda nîrîkuvîvîriu na nîrîrîkîtie gûkinya. Îvinda rîîrî nîrîo akuû makeegua mûgambo wa Mûriû wa Ngai, na arîa makaawîgua nîmakaagîa na mwoyo.

Ciîko 19:12

Andû amwe nîmoocire itambaa na nguo irîa ke aatûmîrîte na makîivira kûrî arwaru. Nao andû acio meka ûguo, arwaru nîmaavonire na maroho macûku makîrutûrûrwa kuuma kûrî o.

Ciîko 5:15

Andû nîmaakuuaga arwaru ao na makamaumîria njîrarî mamamîrîte morîrî na ivarî. Maamaigaga kuo marî na mwîvoko atî arwaru amwe nîmakûvutua nî kîruru Kîam Petero vîndî îrîa aavîtûkaga kuo.

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.