2Atha 13:13 - ÎVUKU RÎA ÛVORO MWARO

¹³ Joashi nîwakwire na akîthikwa mbîrîrarî cia athamaki kûu Samaria, nake Jeroboamu wa kaîrî nîwatuîkire mûthamaki vuva wake.

2Atha 13:13 ပူးပေါင်းရင်းမြစ်များ

2Sam 7:12

Rîrîa ûgaakua na ûthikwe, nîngaatua ûmwe wa anake aku mûthamaki na nîngaatûma ûthamaki wake ûgîe na vinya.

1Atha 1:21

Warega gwîka ûguo, kavinda kanini vuva wa gûkua gwaku, mûvîcîwa Solomoni nanie tûgaatuwa acukanîrîri.”

1Atha 11:31

Nîwacokire akîra Jeroboamu atîrî, “Îyocere tûcunjî îkûmi, nîûndû Ngai-Mûnene, Ngai wa Isiraeli akwîrîte atî, ‘Nîngûcuna Solomoni ûthamaki, na ngûve mîvîrîga îkûmi ya ûthamaki ûcio.

1Atha 2:10

Daudi nîwakwire na akîthikwa îtûûrarî rînene rîa Daudi.

2Atha 13:12

Maûndû marîa mengî monthe marîa Joashi eekire wa vamwe na ûrîa aarûire na Amazia, mûthamaki wa Juda arî na ûcamba nîmandîke Îvukuurî rîa Maûndû ma Tene ma Athamaki a Isiraeli.

2Atha 13:14

Rîrîa mûrathi Elisha aarwarire mûrimû ûrîa watûmire akue, Joashi, mûthamaki wa Isiraeli nîwathiîre kûmûcerera. Nîwamûrîrîre akiugaga atîrî, “Vava, vava! Njamba îrîa îrarûagîrîra andû a Isiraeli!”

2Atha 13:9

Jehoahazi nîwakwire na akîthikwa Samaria, nake mûvîcî Joashi agîtuîka mûthamaki vuva wake.

2Atha 14:15

Maûndû marîa mengî monthe marîa Jehoashi eekire, wa vamwe na ûcamba ûrîa oonanirie rîrîa maarûaga na Amazia, mûthamaki wa Juda nîmandîke Îvukuurî rîa Maûndû ma Tene ma Athamaki a Isiraeli.

2Atha 14:23

Mwakarî wa îkûmi na îtano Amazia, mûvîcî wa Joashi arî mûthamaki wa Juda, Jeroboamu mûvîcî wa Joashi nîwatuîkire mûthamaki wa Isiraeli na nîwathanire arî Samaria îvinda rîa mîaka mîrongo îna na ûmwe (41).

2Atha 15:12

Ûguo nîguo kîîranîro Kîamvingire kîrîa Ngai-Mûnene eerîre Jehu rîrîa aamwîrire atîrî, “Njiarwa ciaku nîigekarîra gîtî Kîam ûthamaki Kîam Isiraeli nginya rûciaro rwa kana.”

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.