2Atha 12:7 - ÎVUKU RÎA ÛVORO MWARO

⁷ Kwoguo, mûthamaki Joashi nîwetire mûthînjîri-Ngai Jehoiada na athînjîri-Ngai acio engî na akîmaûria atîrî, “Mûrarega gûtuma hekarû rîngî kûrîa kûtharûku nîkî? Kuuma rîu kûthiî na mbere, tîkwa mûkaaigaga mbeca irîa mûgoocanagia. Mûkaainenganagîra nîguo itûmagîrwe gûtuma rîngî hekarû kûrîa kûtharûku.”

2Atha 12:7 ပူးပေါင်းရင်းမြစ်များ

2Atha 11:4

Nwatî mwakarî wa mûgwanja, Jehoiada nîwatûmanîre anene a athigari arîa maagitagîra mûthamaki wana arangîri a mûciî wa mûthamaki, na akiuga mathiî kûrî ke hekarûrî. Nîwarûthire kîrîkanîro nao na akîmevîtithia marî kûu hekarûrî, agîcoka akîmonia Joashi, mûvîcî wa mûthamaki Ahazia.

2Atha 12:2

Joashi nîwekire maûndû marîa maakenagia Ngai-Mûnene ûtûûrorî wake wonthe, nîûndû nîwataaragwa nî mûthînjîri-Ngai Jehoiada.

2Atha 12:6

Nwatî mwakarî wa mîrongo îîrî na îthatû (23) Joashi arî mûthamaki, athînjîri-Ngai matiatûmîte andû macoke hekarûrî.

2Atha 12:8

Kwoguo athînjîri-Ngai nîmeetîkîrire atî matigoocania mbeca rîngî na magîtîkia atî matigaatuma rîngî hekarû kûrîa kûtharûku.

1Maû 21:3

Nwatî Joabu nîwaugire atîrî, “Ngai-Mûnene arotûma andû a vûrûri ûyû mongerereke maita îgana gûkîra ûrîa megana rîu! Mwathi wakwa mûthamaki, onthe nî ndungata ciaku. Nîkwa ûrenda gwîka ûndû ûyû nîkî mwathi wakwa? Ndûgûtûma andû a Isiraeli mevie?”

2Maû 23:1

Mwakarî wa mûgwanja, mûthînjîri-Ngai Jehoiada nîweyûmîrîrie, akîrûtha ngwatanîro na anene a ikundi cia athigari magana a mbaara. Anene acio maarî: Azaria mûvîcî wa Jerohamu, Ishumaeli mûvîcî wa Jehohanani, Azaria mûvîcî wa Obedi, Maaseia mûvîcî wa Adaia na Elishafati mûvîcî wa Zikiri.

2Maû 24:16

Jehoiada nîwathikirwe mbîrîrarî irîa ciathikagwa athamaki îtûûrarî rîa Daudi, nîûndû nîwarutîte wîra mwaro kûu Isiraeli na kûrî Ngai na hekarû yake.

Hagai 1:2

Ngai-Mûnene mwene inya wonthe nîwerire Hagai atîrî, “Andû aya marauga atî kavinda ga gûtuma hekarû rîngî tî gakinyu.”