2Atha 12:5 - ÎVUKU RÎA ÛVORO MWARO

⁵ Wa mûthînjîri-Ngai akaamenyagîrîra mbeca irîa ikarutagwa nî andû arîa atungataga, na mbeca icio igaatûmagîrwa gûtuma rîngî hekarû kûrîa gûkwoneka kûrî na vata wa gûtumwa.”

2Atha 12:5 ပူးပေါင်းရင်းမြစ်များ

1Atha 11:27

Naguo ûndû ûrîa watûmire Jeroboamu aregane na mûthamaki nî atî; Solomoni nîwecûririe mûthetu mwena wa îrathîro wa îtûûra rîa Jerusalemu na agîtuma nthingo ciarîo rîngî.

2Atha 12:12

andû arîa maarutaga wîra wa gûtuma na mathiga, na andû arîa maaumagia mathiga, wa vamwe na kûgûra mbaû na mathiga marîa maatûmagîrwa gûtuma rîngî hekarû.

2Atha 12:4

Joashi nîwerire athînjîri-Ngai atîrî, “Ocanagiani mbeca cionthe irîa ikaretagwa hekarûrî. Nacio nî: mbeca irîa ciumanaga na kwendia indo irîa nyamûre, mbeca irîa mûndû eranîrîte, mbeca cia gwîtara, na mbeca irîa irutagwa nî mûndû na njîra ya kwîyendera.

2Atha 12:6

Nwatî mwakarî wa mîrongo îîrî na îthatû (23) Joashi arî mûthamaki, athînjîri-Ngai matiatûmîte andû macoke hekarûrî.

2Atha 22:4

“Thiî kûrî Hilikia, mûthînjîri-Ngai mûnene ûmwîre atare mbeca irîa arangîri a hekarû maûnganîtie kuuma kûrî andû.

1Maû 29:6

Atongoria a mbarî, anene a mîvîrîga, anene a athigari ngiri a mbaara, magana na arûngamîrîri a wîra wa mûthamaki nîmaarutire indo ciao na njîra ya kwîyendera.

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

2Maû 24:5

Nîwetire Alawi na athînjîri-Ngai vamwe na akîmeera mathiî matûûrarî monthe ma Juda maûnganie mbeca irîa ciagîrîrwe nî kûnganua mwaka wa mwaka kuuma kûrî andû onthe a Isiraeli cia gûtuma hekarû rîngî kûrîa gûcûkangu. Nîwamerire meke ûndû ûcio na îvenya, nwatî Alawi nîmaatururire.

2Maû 24:7

(Anake a Athalia nîmaatonyete hekarûrî na magooca indo cionthe irîa ciarî nyamûrîre hekarû na magaitûmîra kûgooca Baali, ngai ya mûvuanano.)

Ntha 30:13

Mûndû wa wonthe ûgaatarwa nwanginya akaarîva mwîgana wa mbeca irîa ikendekana ithimîtwe na kîthimi kîrîa kîtheru gîtîkanîrie. Mûndû wonthe nwanginya akaarîva îrîvi rîu rîrî îtega kûrî nie, Ngai-Mûnene.

Isaia 58:12

Andû enyu nîmagaatuma rîngî nyomba irîa ciomomorirwe tene, maitume rîngî îgûrû rîa mîcingi îrîa mîkûrû. Namue mûgeetagwa andû arîa maatumire rîngî nthingo irîa ciomomoretwe, arîa maatumire rîngî nyomba irîa ciavaraganîtue.”

Alawi 27:2

“Îra andû a Isiraeli, atî rîrîa mûndû eranîrîte atî nîekûrutîra Ngai-Mûnene mûndû arî îtega nîûndû wa kûvingia mwîvîtwa wa mwanya, mûndû ûcio nwa akûûrwe na njîra ya kûrîva mbeca iringanîte na kîthimi kîrîa gîtîkanîrie.

Ndari 18:15

“Marikithathi monthe ma anake kana ma nyamû cia nûme marîa ngaarutagîrwa nî andû a Isiraeli makethagîrwa marî menyu. Nwatî nwanginya mûrutage îrîvi rîa gûkûûra marikithathi monthe ma anake, na mûrutage îrîvi rîa gûkûûra marikithathi monthe ma nyamû cia nûme irîa irî mûgiro.