2Atha 12:4 - ÎVUKU RÎA ÛVORO MWARO

⁴ Joashi nîwerire athînjîri-Ngai atîrî, “Ocanagiani mbeca cionthe irîa ikaretagwa hekarûrî. Nacio nî: mbeca irîa ciumanaga na kwendia indo irîa nyamûre, mbeca irîa mûndû eranîrîte, mbeca cia gwîtara, na mbeca irîa irutagwa nî mûndû na njîra ya kwîyendera.

2Atha 12:4 ပူးပေါင်းရင်းမြစ်များ

1Atha 3:2

Andû maarutagîra magongoona kûndû kûrîa gûtûgîru, nîûndû vîndî îo hekarû ya Ngai-Mûnene ndîarî ndume.

1Atha 3:3

Solomoni nîwendeete Ngai-Mûnene na nîwavingagia mawatho ma îthe Daudi. Nwatî nîwarutagîra magongoona na ûbani irîmarî.

1Atha 7:1

Solomoni nîwatumire nyomba yake na îvinda rîa mîaka îkûmi na îthatû na akîmîrîkia.

2Atha 12:18

Joashi, mûthamaki ma Juda nîwocire matega monthe marîa Jehoshafati, Jehoramu, na Ahazia, athamaki a Juda maamûrîrîte Ngai-Mûnene. Nîwamonganîrîrie na matega make ke mwene vamwe na thaavu yonthe îrîa yarî mûthithûrî wa hekarû na nyomba ya mûthamaki na agîitûma cionthe irî kîveo kûrî Hazaeli mûthamaki wa Sîria. Hazaeli nîwacokire akiuma Jerusalemu.

2Atha 12:5

Wa mûthînjîri-Ngai akaamenyagîrîra mbeca irîa ikarutagwa nî andû arîa atungataga, na mbeca icio igaatûmagîrwa gûtuma rîngî hekarû kûrîa gûkwoneka kûrî na vata wa gûtumwa.”

2Atha 14:4

Ndaacûkangia kûndû kûrîa kwagoocagîrwa mîvuanano, na andû nîmaathiîre na mbere kûruta magongoona na kûvîvîria ûbani kuo.

2Atha 15:4

Nwatî kûndû kûrîa kwagoocagîrwa mîvuanano gûtiacûkangua, na andû nîmaathiîre na mbere kûruta magongoona na kûvîvîria ûbani kuo.

2Atha 16:4

Ahazi nîwarutagîra magongoona na akavîvîria ûbani kûndû kûrîa gûtûgîru, irîmarî, na rungu rwa mîtî îrîa mîruru.

2Atha 17:11

Nîmaavîvagîria ûbani îgûrû rîa metha cionthe cia magongoona cia ngai cia maveeni, marûmîrîrîtie mîtugo îrîa yarî na andû arîa Ngai-Mûnene eengatire kuuma vûrûrirî ûcio. Nîmaarakaririe Ngai-Mûnene nîûndû wa maûndû monthe macûku marîa meekire,

2Atha 22:4

“Thiî kûrî Hilikia, mûthînjîri-Ngai mûnene ûmwîre atare mbeca irîa arangîri a hekarû maûnganîtie kuuma kûrî andû.

1Maû 18:11

Mûthamaki Daudi nîwamûrire indo icio ituîke cia Ngai-Mûnene. Aaciamûrire irî vamwe na sîlûva na thaavu îrîa aarutîte mavûrûrirî marîa aavootete. Mavûrûri mau nî: Edomu, Moabu, Aamoni, Filisiti na Amaleki.

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

2Maû 15:18

Nîwaretire hekarûrî indo cionthe irîa ciamûrîrîtwe Ngai nî îthe Abija, wa vamwe na thaavu na indo cia sîlûva îrîa ke mwene aamûrîrîte Ngai.

2Maû 31:12

Nao athînjîri-Ngai marî na wîvokeku nîmaaretire indo irîa ciarutîtwe na ciamûrîrîtwe Ngai-Mûnene, na icunjî cia îkûmi irîa andû maarutîte. Nîmaatwire Mûlawi Konania mûrûngamîrîri wa wîra ûcio, nake mûrwang'ina Shimei arî mûnini wake.

2Maû 35:2

Nîwathuurire athînjîri-Ngai na akîmava wîra ûrîa maagîrîrwe nî kûruta hekarûrî na akîmaûmîrîria wîrarî ûcio.

Ezira 1:6

Andû onthe arîa maariganîtie nao nîmaamavere ûtethio wa indo cia sîlûva na thaavu, na indo ciîngî nyîngî, na nyamû irîa irîthagua na indo cia goro, vamwe na indo cia matega cia hekarû.

Ezira 2:69

Nîmaarutire kûringana na ûrîa wa mûndû aavotire kûruta nîûndû wa wîra ûcio. Nacio indo icio cionthe igîkinya thaavu kilo 500, sîlûva kilo 2,800, na nguo cia athînjîri-Ngai 100.

Ezira 7:16

Thaavu na sîlûva cionthe irîa ûkaaûngania vûrûrirî wa Babuloni nîûkaathiî nacio. Wana indo irîa andû a Isiraeli na athînjîri-Ngai makaaruta nîûndû wa hekarû îrîa îrî Jerusalemu ya Ngai wao.

Ntha 35:22

Kwoguo andû onthe arîa maarî na ngoro irî na wendi arûme na aka nîmaaretire indo cia mîthemba mîîngî cia thaavu ta mindo, mbete, mîkathî na mathaga ma mîthemba yonthe ma thaavu na magîciamûrîra Ngai-Mûnene.

Ntha 35:29

Andû onthe a Isiraeli arîa maarî na wendi wa kûvecana nîmaarutire matega ma Ngai-Mûnene nîûndû wa wîra wonthe ûrîa Ngai-Mûnene aathanîte na njîra ya Musa ûrutwe.

Ntha 35:5

Rutagîrani Ngai-Mûnene matega. Mûndû wa wonthe ûrî na wendi wa gwîka ûguo nîaretagîre Ngai-Mûnene matega ma thaavu, sîlûva, na gîcango,

Ntha 36:3

Musa nîwamanengerire indo cionthe irîa ciarutîtwe nî andû a Isiraeli nîûndû wa gûtuma îgema rîtheru. Nwatî andû a Isiraeli nîmaathiîre na mbere kûvirîra Musa indo kîraûko wa kîraûko.

Alawi 27:31

Ethîrwa mûndû nwa ende kûgûra rîngî irio kana matunda irîa arutîrîtwe Ngai-Mûnene, nwanginya akaarîva mbeca irîa mbîtîkanîrie na ongerere tûcunjî mîrongo îîrî îgûrû rîa îgana.

Luka 21:4

Nîûndû acio engî mavotha matigari ma ûtonga wao, nwatî mûndûmûka ûyû wana arî mûthîni ûguo, arekia mûthithû wake wonthe.”