2Atha 12:21 - ÎVUKU RÎA ÛVORO MWARO

²¹ Aaûragirwe nî ndungata ciake, Isakaru mûvîcî wa Shimeathi marî na Jehozabadi mûvîcî wa Shomeri. Nîmaamûthikire mbîrîrarî cia athamaki kûu îtûûrarî rînene rîa Daudi, nake mûvîcî Amazia nîwatuîkire mûthamaki vuva wake.

2Atha 12:21 ပူးပေါင်းရင်းမြစ်များ

2Sam 5:9

Daudi arîkia gûcuunana îtûûra rîu rîairigîrîtwe na rûthingo rwa vinya, nîwatûûrire kuo na akîrîtuîra rîîtwa, “Îtûûra rîa Daudi.” Nîwacokire agîtuma îtûûra rîrigicîrîtie ambîrîrîtie mwena wa îrathîro wa kîrîma nîûndû kûu nîkuo mûthetu waikîrîtue gûkaragana waro.

1Atha 15:27

Baasha mûvîcî wa Ahija kuuma mûvîrîgarî wa Isakaru nîwavangire ûrîa akûraga Nadabu. Baasha nîwaûragîre Nadabu îtûûrarî rîa Gibethoni kûu Filisiti, rîrîa Nadabu na Aisiraeli onthe maathiûrûrûkîrîtie îtûûra rîu nîguo marîcunane.

2Atha 10:9

Kîraûko gwakîa, Jehu nîwaumire na akîthiî kîvingorî gîa îtûûra. Nîwarûngamire mbere ya andû onthe arîa maarî vo na akiuga atîrî, “Mue mûtirî na mavîtia. Nie nînie naavangire ûrîa ngûregana na mwathi wakwa, na ngîmûraga. Nwatî nû waûragire aya onthe?

2Atha 13:1

Mwakarî wa mîrongo îîrî na îthatû (23) Joashi mûvîcî wa Ahazia arî mûthamaki wa Juda, Jehoahazi, mûvîcî wa Jehu nîwatuîkire mûthamaki wa Isiraeli na nîwathanire arî Samaria îvinda rîa mîaka îkûmi na mûgwanja. (17)

2Atha 14:1

Mwakarî wa kaîrî Joashi, mûvîcî wa Jehoahazi arî mûthamaki wa Isiraeli, Amazia mûvîcî wa Joashi nîwatuîkire mûthamaki wa Juda

2Atha 14:19

Andû amwe a kûu Jerusalemu nîmeciririe ûrîa makûraga Amazia. Kwoguo Amazia nîwaûrire akîthiî îtûûrarî rînene rîa Lakishi, nwatî nthû ciake nîciatûmire andû na makîthiî na makîmûragîra kuo.

2Atha 14:5

Rîrîa ûthamaki wevandire waro ûrî rungu rwa Amazia, Amazia nîwaûragire ndungata ciake cionthe irîa ciaûragîte îthe, mûthamaki.

2Atha 15:10

Shalumu, mûvîcî wa Jabeshi nîweciririe ûrîa akûraga mûthamaki Zakaria na nîwamûragîre kûu Ibileamu na agîtuîka mûthamaki vuva wake.

2Atha 9:14

Jehu nîwacokire akîvanga ûrîa akûragithia mûthamaki Joramu. (Vîndî îo, Joramu vamwe na anene acio engî onthe maarangîrîte îtûûra rîa Ramothu kûu Gileadi nîûndû wa Hazaeli, mûthamaki wa Sîria;

2Atha 9:27

Rîrîa Ahazia, mûthamaki wa Juda oonire ûguo, nîwaûrire erekerete mwena wa Bethi Hagani. Jehu nîwamûrûmîrîrie na akîra andû ake mamûûrage. Nao nîmaamûrathire arî gîkaarirî gîake Kîam mbaara athiîte Guri arî vakuvî na îtûûra rîa Ibuleamu. Nwatî nîwaûrîre Megido, îtûûra rînene na agîkuîra kuo.

2Maû 24:25

Rîrîa athigari a mbaara a Sîria maaumaga Juda nîmaatigire mûthamaki Joashi agurarîtue mûno. Atongoria ake nîmaavangire ûrîa makûmûraga na nîmaamûragire arî gwake ûrîrî. Maamûragire nîûndû nîwaûragithîtie Zekaria mûvîcî wa Jehoiada, mûthînjîri-Ngai. Kwoguo nîwakwire na makîmûthika îtûûrarî rîa Daudi, nwatî matiamûthika mbîrîrarî irîa ciathikagwa athamaki.