2Atha 12:12 - ÎVUKU RÎA ÛVORO MWARO

¹² andû arîa maarutaga wîra wa gûtuma na mathiga, na andû arîa maaumagia mathiga, wa vamwe na kûgûra mbaû na mathiga marîa maatûmagîrwa gûtuma rîngî hekarû.

2Atha 12:12 ပူးပေါင်းရင်းမြစ်များ

1Atha 5:15

Solomoni wana aarî na arûme engî ngiri mîrongo mûgwanja (70,000) a gûkuua mîrigo na arûme ngiri mîrongo înana (80,000) arîa meenjaga mathiga vûrûrirî ûrîa ûrî irîma.

2Atha 12:11

Marîkia gûitara, nîmaainenganagîra kûrî andû arîa maarûngamagîrîra wîra ûrîa warutagwa hekarûrî. Nao andû acio nîmaacokaga makarîva andû arîa maarutaga wîra wa mbaû, atumi arîa maarutaga wîra hekarûrî,

Ezira 3:7

Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Ezira 5:8

“Mûthamaki wetû nîtûgûkûmenyithia atî nîtwathiîre vûrûrirî wa Juda na tûkîthiî hekarûrî ya Ngai ûrîa mûnene. Nîtwethîrîrie îgîtumagwa na mathiga manene mûno na mbaû nene cigîrîrîtwe nthingorî. Wîra ûyû nîûrarutwa ûmenyereretwe na kinyi na nîûrathiî na mbere waro.

Luka 21:5

Arutwa amwe nîmaaragia ûvoro wîgiî hekarû na makiugaga ûrîa yonekanaga îgemetue na mathiga ma goro wa vamwe na indo nthaka irîa andû maavecanîte nîûndû wa gûtîîa Ngai. Nake Jesû nîwamerire atîrî,