2Atha 12:1 - ÎVUKU RÎA ÛVORO MWARO

¹ Mwakarî wa mûgwanja Jehu arî mûthamaki wa Isiraeli, Joashi nîwatuîkire mûthamaki wa Juda, na nîwathanire arî Jerusalemu îvinda rîa mîaka mîrongo îna (40). Ng'ina wa Joashi eetagwa Zibia kuuma îtûûra rînene rîa Beerisheba.

2Atha 12:1 ပူးပေါင်းရင်းမြစ်များ

Kîam 21:14

Mûthenya ûcio warûmîrîrîte kîraûko tene mûno, Iburahimu nîwavere Hagari irio, na mbooro îcûrîte manjî. Nîwacokire agîkuithia Hagari mwana na akîmwîngata. Hagari nîwathiîre akîûrûraga werûrî wa Beerisheba.

2Atha 11:21

Joashi aatuîkire mûthamaki wa Juda arî na ûkûrû wa mîaka mûgwanja (7).

2Atha 12:2

Joashi nîwekire maûndû marîa maakenagia Ngai-Mûnene ûtûûrorî wake wonthe, nîûndû nîwataaragwa nî mûthînjîri-Ngai Jehoiada.

2Atha 13:1

Mwakarî wa mîrongo îîrî na îthatû (23) Joashi mûvîcî wa Ahazia arî mûthamaki wa Juda, Jehoahazi, mûvîcî wa Jehu nîwatuîkire mûthamaki wa Isiraeli na nîwathanire arî Samaria îvinda rîa mîaka îkûmi na mûgwanja. (17)

2Atha 13:10

Mwakarî wa mîrongo îthatû na mûgwanja (37) Joashi arî mûthamaki wa Juda, Joashi, mûvîcî wa Jehoahazi nîwatuîkire mûthamaki wa Isiraeli na nîwathanire arî Samaria îvinda rîa mîaka îkûmi na îtandatû. (16)

2Atha 9:27

Rîrîa Ahazia, mûthamaki wa Juda oonire ûguo, nîwaûrire erekerete mwena wa Bethi Hagani. Jehu nîwamûrûmîrîrie na akîra andû ake mamûûrage. Nao nîmaamûrathire arî gîkaarirî gîake Kîam mbaara athiîte Guri arî vakuvî na îtûûra rîa Ibuleamu. Nwatî nîwaûrîre Megido, îtûûra rînene na agîkuîra kuo.

1Maû 3:11

Jehoshafati aarî îthe wa Jehoramu, Jehoramu aarî îthe wa Ahazia, Ahazia aarî îthe wa Joashi,