2Atha 11:2 - ÎVUKU RÎA ÛVORO MWARO

² Nwatî Jehosheba, mwarî wa mûthamaki Joramu nîwocire Joashi, mûvîcî wa Ahazi na nthitho kuuma gatagatîrî ka anake a mûthamaki arîa maarî vakuvî kûragwa. Nîwamûthithire nyombarî ya kûmama marî na mûndû ûrîa wamûtungataga. Jehosheba aarî mwarwang'ina na Ahazia. Ûguo nîguo Jehosheba aathithire Joashi nîguo Athalia ndakamwone amûûraga.

2Atha 11:2 ပူးပေါင်းရင်းမြစ်များ

1Atha 11:17

Nwatî Hadadi marî na Aedomu amwe arîa maarî ndungata cia îthe nîmaatorokire makîthiî Misiri. Vîndî îo Hadadi aarî kamwana kanini.

1Atha 6:10

Tûnyomba tûu twarî mîenarî yonthe ya nthingo cia hekarû twarî na ûraca na îgûrû wa mita igîrî na inji mîrongo îîrî na twanyitithanîtue kûrî hekarû na mbaû cia mîtarakwe.

1Atha 6:8

Mûromo wa gûtonya tûnyombarî tûu twa nja twa ngorova ya mbere warî mwena wa îveti wa hekarû. Nakuo kwarî ngathî yathiîcaga tûnyombarî twa ngorova ya gatagatî na ya kathatû.

2Atha 11:21

Joashi aatuîkire mûthamaki wa Juda arî na ûkûrû wa mîaka mûgwanja (7).

2Atha 11:3

Jehosheba eekarire na kamwana kau akathithîte hekarûrî îvinda rîa mîaka îtandatû. Vîndî îo Athalia nîke wathanaga vûrûrirî ûcio.

2Atha 12:1

Mwakarî wa mûgwanja Jehu arî mûthamaki wa Isiraeli, Joashi nîwatuîkire mûthamaki wa Juda, na nîwathanire arî Jerusalemu îvinda rîa mîaka mîrongo îna (40). Ng'ina wa Joashi eetagwa Zibia kuuma îtûûra rînene rîa Beerisheba.

2Atha 8:16

Mwakarî wa gatano Joramu, mûvîcî wa Ahabu arî mûthamaki wa Isiraeli, Jehoramu, mûvîcî wa Jehoshafati nîwatuîkire mûthamaki wa Juda.

2Atha 8:19

nwatî Ngai-Mûnene ndenda gûcûkangia Juda nîûndû nîwerîrîte ndungata yake Daudi atî njiarwa ciake nîitûûra ciathanaga.

1Maû 3:11

Jehoshafati aarî îthe wa Jehoramu, Jehoramu aarî îthe wa Ahazia, Ahazia aarî îthe wa Joashi,

2Maû 22:11

Nwatî Jehosheba, mwarî wa mûthamaki Jehoramu, nîwocire Joashi mûvîcî wa Ahazia, akîmwîa kuuma kûrî anake acio engî a nyomba ya ûthamaki nîûndû maarî vakuvî kûragwa. Nîwathithire Joashi nyombarî ya kûmamwa arî na mûndû wa kûmûmenyerera. Jehosheba aarî mwarî wa mûthamaki Jehoramu na aarî mwarwang'ina na Ahazia. Jehosheba aavikîtue nî mûthînjîri-Ngai Jehoiada. Jehosheba aathithire Joashi nîguo ndakaaûragwe nî Athalia.

Ntha 8:3

Ciûra nîigeecûra rûnjîrî rwa Nailo na imwe ciume kuo ithiî gwaku nyomba. Nyomba yaku ya kûmama, ûrîrî waku, nyomba cia anene aku na cia andû aku, wana nginya kûrîa kûrugagîrwa irio na indorî irîa ikimagîrwa mûtu nîigeecûrwa nî ciûra.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 37:35

Nîngaagitîra îtûûra rîîrî nîguo nîrîvonokie nîûndû wa gîtîîo gîakwa nie mwene na nîûndû wa ndungata yakwa Daudi.’ ”

Jeremia 33:17

Nîûndû nie Ngai-Mûnene nîrauga atî, gûtigatura mûndû wa rûciaro rwa Daudi wa kwathana Isiraeli,

Jeremia 33:21

nwaguo ndangîgarûra kîrîkanîro gîakwa na Daudi ndungata yakwa, nîguo vîndî cionthe kwîthagîrwe kûrî na mûndû ûrathana kuuma rûciaro rwa Daudi na kîrîkanîro gîakwa na athînjîri-Ngai a mûvîrîga wa Lawi arîa mandungatagîra.

Jeremia 33:26

Kwoguo, nîngûtûûra mbigîte kîrîkanîro gîakwa na rûciaro rwa Jakovu na Daudi ndungata yakwa. Nîngathuura ûmwe wa rûciaro rwa Daudi atuîke mûthamaki wa njiarwa cia Iburahimu, Isaka na Jakovu. Nîûndû nîngeguîra andû akwa ntha na ndûme mathatûkwe.”

Jeremia 35:2

“Thiî mûciî kwa andû a Rekabu, warie nao na ûmarete nyombarî ya Ngai-Mûnene na ûmatonyie kanyombarî kamwe ka nyomba yakwa na ûmave ndivei manyue.

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.

Ezek 40:45

Mûndû ûcio nîwambîrire atîrî, “Kanyomba karîa kerekerete mwena wa îveti nî ka athînjîri-Ngai arîa matungataga hekarûrî.

Atir 9:5

Nîwacokire akîthiî mûciî kwa îthe kûu Ofira na akîûragithîria aa mûrwang'ina mîrongo mûgwanja îthigarî rîmwe. Nwatî Jothamu mûvîcî wa Gideon ûrîa warî kîvinga nda, ndaaûragwa nîûndû nîwethithîte.