2Atha 11:15 - ÎVUKU RÎA ÛVORO MWARO

¹⁵ Mûthînjîri-Ngai Jehoiada ndeendaga Athalia aûragîrwe hekarûrî. Kwoguo nîwathire anene a athigari atîrî, “Mûruteni nja na mûmwige gatagatî ka mîvari ya athigari na mûrage mûndû wa wonthe ûkûgeria kûmûvonokia.”

2Atha 11:15 ပူးပေါင်းရင်းမြစ်များ

2Atha 11:14

Nîwaroririe na akîona mûthamaki mûcerû arûngamîte vakuvî na gîtugî vau mûromorî wa hekarû, kûringana na mûtugo. Nao anene a athigari na andû arîa maavuvaga tûrumbeta maarî vakuvî na mûthamaki nao andû onthe makiugagîrîria nî gîkeno makîvuvaga tûrumbeta. Athalia nîwatembûrangire nguo ciake na marûrû na akiugîrîria atîrî, “Gûkû nî kûregana na mûthamaki! Gûkû nî kûregana na mûthamaki!”

2Atha 11:16

Kwoguo nîmaamûnyitire na makîmûtonyereria varîa vetagwa Kîvingo Kîam Mbarathi makîmûvira nyombarî ya mûthamaki na makîmûragîra kuo.

2Atha 11:4

Nwatî mwakarî wa mûgwanja, Jehoiada nîwatûmanîre anene a athigari arîa maagitagîra mûthamaki wana arangîri a mûciî wa mûthamaki, na akiuga mathiî kûrî ke hekarûrî. Nîwarûthire kîrîkanîro nao na akîmevîtithia marî kûu hekarûrî, agîcoka akîmonia Joashi, mûvîcî wa mûthamaki Ahazia.

2Maû 23:14

Mûthînjîri-Ngai Jehoiada nîwatûmire anene a ikundi cia athigari a mbaara na akîmeera atîrî, “Athalia nîarutwe nja arî gatagatî ka athigari na mûndû wa wonthe ûkaageria kûmûvonokia akaaûragwa na rûviû.” Meekire ûguo nîûndû mûthînjîri-Ngai nîwaugîte ndakaûragîrwe hekarûrî.

2Maû 23:9

Nake Jehoiada, mûthînjîri-Ngai nîwanengere anene a athigari a mbaara matumû, ngo irîa ciarî nene na irîa ciarî nini. Matumû na ngo icio ciarî cia mûthamaki Daudi na ciaigîtwe hekarûrî.

Ntha 21:14

Nwatî mûndû angîrakara na aûrage mûndû wîngî, ke nî akaaûragwa wana angîthîrwa nî aûrîte akathiî metharî yakwa ya kîgongoona nîguo ndakaûragwe.

Ezek 21:14

“Kwoguo we mûndû, vecana ûrathi! Vûra mvî na ûreke rûviû rûrute wîra maita maîrî, wana rita rîa kathatû. Nî rûviû rwa kûraga andû rûmarigicîrîtie,

Ezek 9:7

Nîwacokire akîmera atîrî, “Gwatiani hekarû mûgiro, na kûu kîvarorî Kîamyo mûgwîcûrie ciimba. Thiîni rîu!” Kwoguo nîmaathiîre na makîambîrîria kûraga andû îtûûrarî.

Ciîko 21:30

Nao andû onthe arîa maarî kûu Jerusalemu nîmaaunjugîkire, magîtitimûka mathiîte na kûrî Paûlo, makîmûnyita, na makîmûruta kûu hekarûrî mamûkururîtie. Nayo mîrango ya hekarû nîyavingirwe wa rîmwe.