2Atha 11:12 - ÎVUKU RÎA ÛVORO MWARO

¹² Jehoiada nîwacokire akîruta Joashi, mûvîcî wa mûthamaki nja na akîmwîkîra nthûmbî kîongo na akîmûnengera mawatho ma kûrûmîrîrwa nî mûthamaki. Joashi nîwacokire agîtîrîrua maguta na agîtuîka mûthamaki. Andû nîmaaringaringire mvî ciao na makiugîrîria atîrî, “Ûrotûûratûûra mûthamaki!”

2Atha 11:12 ပူးပေါင်းရင်းမြစ်များ

2Sam 1:10

Kwoguo Nînathiîre na ngîmûûraga nîûndû nînaamenyaga atî ke ndangîavonire nîûndû aarî mûmunde mûno. Nînacokire ngîoca nthûmbî îrîa eekîrîte kîongorî gîake na mvang'iri îrîa yarî njararî yake na nîcio nakûretere, mwathi wakwa.”

2Sam 12:30

Nîwacokire akîruta nthûmbî ya thaavu îrîa yarî kîongorî Kîam mûthamaki wa Aamoni. Nayo yarî na ûrito wa kilo ta mîrongo îthatû na ithano na yarî na tûthiga twa goro ndarî ya yo. Daudi nîwamigîrîre kîongorî gîake. Nîwacokire agîkuua indo nyîngî irîa ciatavîtwe kuuma îtûûrarî rîu.

2Sam 16:16

Rîrîa Hushai, ûrîa warî mûrata ûrîa mwîvokeku wa Daudi aakinyire kûrî Abusalomu, nîwerire Abusalomu atîrî, “Ûrotûûratûûra mûthamaki! Ûrotûûratûûra mûthamaki!”

2Sam 2:4

Nao andû a Heburoni nîmaathiîre Juda na makîthuura Daudi atuîke mûthamaki wa Juda. Rîrîa Daudi aamenyithirue atî andû a Jabeshi îrîa îrî kûu Gileadi nîo maathikire Saûlo,

2Sam 2:7

Rîu îyûmîrîrieni na mûgîe na vinya! Nîûndû Saûlo mûthamaki wenyu nî mûkuû, na andû a Juda nîmanthuurîte nduîke mûthamaki wao.”

2Sam 5:3

Kwoguo atongoria onthe a Isiraeli nîmaathiîre kwî mûthamaki kûu Heburoni. Mûthamaki Daudi nîwathondekire kîrîkanîro nao na makîmwîtîrîria maguta nîguo atuîke mûthamaki wa vûrûri wa Isiraeli.

1Atha 1:25

Nîûndû ûmûnthî nîathiîte na akathînja ndegwa, ng'ondu na tûcaû tûrîa tûnoru. Nîetîte avîcî aku onthe, Joabu mûnene wa athigari aku na Abiatharu mûthînjîri-Ngai, na rîu nîkwa mararîa kîrugo makiugagîrîria atî: ‘Ûrotûûratûûra mûthamaki Adonija!’

1Atha 1:34

Kûu nîkuo Zadoku na Nathani makaamwîtîrîria maguta atuîke mûthamaki wa Isiraeli. Mûcoke mûvuve karumbeta mûkiugaga atîrî, ‘Mûthamaki Solomoni ûrotûûratûûra!’

1Atha 1:39

Makinya kuo, Zadoku mûthînjîri-Ngai nîwocire rûvîa rwa maguta rûrîa aaigîte îgemarî rîa Ngai-Mûnene na agîtîrîria Solomoni maguta. Nîmaacokire makîvuva karumbeta nao andû onthe makiugîrîria atîrî, “Mûthamaki Solomoni ûrotûûratûûra!”

1Atha 2:44

Nîwîcî waro mavîtia monthe marîa wekire vava Daudi. Kwoguo Ngai-Mûnene nîagaakûverithia nîûndû wamo.

2Atha 11:11

Arangîri nîmaarûngamire mathiîûrûrûkîrîtie metha ya kîgongoona na hekarû wa mûndû anyitîte îtumû rîake na njara makîrangîra mûthamaki.

2Atha 11:2

Nwatî Jehosheba, mwarî wa mûthamaki Joramu nîwocire Joashi, mûvîcî wa Ahazi na nthitho kuuma gatagatîrî ka anake a mûthamaki arîa maarî vakuvî kûragwa. Nîwamûthithire nyombarî ya kûmama marî na mûndû ûrîa wamûtungataga. Jehosheba aarî mwarwang'ina na Ahazia. Ûguo nîguo Jehosheba aathithire Joashi nîguo Athalia ndakamwone amûûraga.

2Atha 11:4

Nwatî mwakarî wa mûgwanja, Jehoiada nîwatûmanîre anene a athigari arîa maagitagîra mûthamaki wana arangîri a mûciî wa mûthamaki, na akiuga mathiî kûrî ke hekarûrî. Nîwarûthire kîrîkanîro nao na akîmevîtithia marî kûu hekarûrî, agîcoka akîmonia Joashi, mûvîcî wa mûthamaki Ahazia.

2Atha 9:13

Wa rîmwe anene acio nîmaarutire nguo ciao na magîciara nthî nîguo Jehu akinye îgûrû rîacio. Nîmaacokire makîvuva tûrumbeta na makiugîrîria atîrî, “Jehu nîke Mûthamaki!”

2Atha 9:3

Ûcoke woce mûcuva ûyû wa maguta na ûmwîtîrie mo kîongorî gîake, na ûmwîre Ngai-Mûnene arauga atî, nîwagwîtîrîria maguta ûtuîke mûthamaki wa Isiraeli: Ûcoke ume kuo na ûûre na îvenya wata ûrîa ûngîvota.”

2Maû 23:11

Jehoiada nîwacokire akîvira Joashi nja, akîmwîkîra ngovia ya ûthamaki kîongo na akîmûnengera mawatho ma ûthamaki. Nîmaacokire makîmûtua mûthamaki. Jehoiada na avîcî ake nîmaamwîtîrîrie maguta na makiuga atîrî, “Mûthamaki, ûrotûûratûûra!”

Esita 2:17

Mûthamaki nîwendire Esita gûkîra erîtu acio engî onthe, kwoguo nîwamwîkîrire nthûmbî kîongorî îrîa îkagîrwa nî mûka wa mûthamaki na akîmûtua mûka vandûrî va Vashiti.

Esita 6:8

nîavewe nguo irîa mbaro mûno irîa ciîkagîrwa nî mûthamaki, na mbarathi irîa athiîcaga nacio na nthûmbî îrîa ekagîra.

Thaburi 132:18

Nîngaatûma nthû ciake igîe na gîconoko, nwatî nthûmbî yake ya ûthamaki nîîgaakengaga îrî kîongorî gîake.”

Thaburi 21:3

Nîwaûkire kûrî ke na irathimo nyîngî, na ûkîmwîkîra nthûmbî ya thaavu kîongorî gîake.

Thaburi 21:4

Aakûûririe ûmûve ûtûûro, na Nîwamûvere guo, na nîwamûvere ûtûûro wa tene na tene.

Thaburi 47:1

Mue andû onthe, vûrani mvî na mugîrîrie! Kumiani Ngai na nyîmbo mugîrîrîtie!

Thaburi 78:5

Nîwavere andû a Isiraeli mawatho, na njiarwa cia Jakovu akîiva maathani. Nîwerire methe metû mathomithagie ciana ciao mawatho make,

Thaburi 89:39

Nîûcûkîtie kîrîkanîro kîrîa warûthire na ndungata yaku, na nîûmûrutîte nthûmbî yake na ûkamikia rûkûngûrî.

Thaburi 98:8

Mue nyûnjî vûrani mvî; mue irîma inani mûkenete,

Ntha 25:16

Nacio ivengere cia mathiga igîrî irîa ngûkûnengera ciandîkîtwe mawatho cigwe îthandûkûrî ndaarî.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Isaia 55:12

“Mûkaauma Babuloni mûkenete; na mûthiîcage mûtongoretue nî thayû. Irîma na tûrîma nîikaaina irî mbere yenyu, nayo mîtî yonthe ya kîthaka nîkaamûvûrîra mvî.

Isaia 8:16

Nîngûmenyerera maathani mama na nîmathomithie kûrî arutwa akwa.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Danieli 3:9

Nîmaamwîrire atîrî, “Mûthamaki! Ûrotûûra tene na tene.

Danieli 6:21

Nake Danieli nîwacokerie mûthamaki atîrî, “Mûthamaki wetû, ûrotûûra tene na tene!

Mathaayo 21:9

Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”

Mathaayo 27:29

Nao nîmaamûthondekere nthûmbî ya mîgua, makîmwîkîra kîongorî gîake na makîmûnyitithia karûthanju na njara yake ya ûrîo. Nîmaacokire magîturia maru mbere yake na makîmûnyûrûria makiugaga atîrî, “Wî mwaro Mûthamaki wa Ayahudi!”

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.

2Akor 1:21

Ngai ke mwene nîke ûtûmaga mue mûrî vamwe natue tûgîe na kîîrîgîrîro tûrî ûrûmwe na Kristû. Ngai nîke ûtûthuurîte.

Ahib 1:9

We wendete ûthingu na ûkamena ûndû mûcûku, kwoguo Ngai, na nîke Ngai waku, nîakûthuurîte na agakûva gîtîîo na gîkeno gîkîrîte kîrîa avete arata aku.”

Ahib 2:9

Nwatî twonaga Jesû ûrîa gwa kavinda kanini watuirwe mûnini gûkîra araika, nîguo na njîra ya wega wa Ngai akue nîûndû wa andû onthe. Na rîu tûmwonaga ekîrîte nthûmbî îrî na riiri na gîtîîo nîûndû wa ûrîa aathînirue na agîkua.

Kûguû 19:12

Metho make maakanîte ta mwaki mûkengu mûno. Kîongorî gîake nîwekîrîte nthûmbî nyîngî. Mwîrîrî wake nîkwandîkîtwe rîîtwa, nwatî gûtirî mûndû ûngîarîmenyire tiga Ke mwene.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 10:24

Nake Samueli nîwerire andû acio engî onthe atîrî, “Mûndû mûrûme ûyû mûrona ava nîke Ngai-Mûnene athuurîte! Gûtirî mûndû wîngî gatagatîrî getû wîkariî take.” Nao andû onthe makiugîrîria na makiuga atîrî, “Mûthamaki wetû ûrotûûratûûra!”

1Sam 16:13

Samueli nîwocire mûcuva ûrîa warî na maguta ma mîtamaiyû îrîa îciaraga matunda na agîtîrîria Daudi maguta aa mûrwang'ina makîonaga. Naguo roho wa Ngai-Mûnene nîwanyûrûrûkîre Daudi wa rîmwe na agîkara nake kuuma mûthenya ûcio. Nake Samueli nîwacokire Rama.