2Atha 10:5 - ÎVUKU RÎA ÛVORO MWARO

⁵ Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

2Atha 10:5 ပူးပေါင်းရင်းမြစ်များ

1Atha 20:32

Kwoguo nîmeerigicire nguo cia macakaya na makîîrigica mîkanda ngingorî ciao. Nîmaathiîre kûrî mûthamaki Ahabu na makîmwîra atîrî, “Ndungata yaku, Benihadadi arakûthaitha ndûkamûrage.” Nake Ahabu nîwaugire atîrî, “Kwoguo arî wa mwoyo? Ke nî mûrwaiya!”

1Atha 20:4

Mûthamaki Ahabu nîwacokirie atîrî, “Thiîni mwîre mwathi wakwa mûthamaki, atî nînetîkîra; nie wana indo cionthe ciakwa nî ciaku.”

2Atha 10:6

Jehu nîwacokire akîmandîkîra maarûa ya kaîrî akîmeera atîrî, “Ethîrwa nîmûnyitîte mbaru, na nî mwîvarîrîtie kûmbathîkîra, mûkaandetere atongoria a njiarwa cia mwathi wenyu gûkû Jezireeli rûyû îthaa wata rîîrî. ” Vîndî îo anake mîrongo mûgwanja (70) a mûthamaki Ahabu maatûûraga kwa atongoria a îtûûra rînene rîa Samaria arîa maamareraga.

2Atha 18:14

Nake Hezekia mûthamaki wa Juda nîwatûmanire kûrî Senakeribu, mûthamaki wa Asîria kûu Lakishi akîmwîra atîrî, “Nie nîmvîtîtie; nakûthaitha tiga kûntharîkîra, na nîngûkûnengera wa kîrîa kîonthe ûkûmbîtia.” Nake mûthamaki wa Asîria nîwerire Hezekia amûtûmîre kilo ngiri îkûmi (10,000) cia sîlûva na kilo ngiri îmwe (1,000) cia thaavu.

Jeremia 27:17

Mûtikamathikîrîrie; tungatîrani mûthamaki wa Babuloni na nîmûgûtûûra mwoyo. Îtûûra rîîrî nîrîtuîka maganjo nîkî?

Ndari 11:12

Tînie naûmbire andû aya kana ngîmaciara! Nîndûî gîatûmire ûndua ta ng'ina wao nîmakuuage ta tûkenge nîmavire vûrûri ûrîa werîre methe mao ma tene na mwîvîtwa atî nîûkaamava?

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Josh 9:11

Agibeoni acio nîmeerire Joshua atîrî, “Atongoria etû na andû arîa matûûraga vûrûrirî wetû nîmatwîrire tûkuue irio nîûndû wa rûgendo nîguo tûke tûcemanie namue. Matwîrire twaûka tûmûrie mwîtîkîre tûtuîke ndungata cienyu na mûthondeke kîrîkanîro natue.

Josh 9:8

Nao andû acio nîmeerire Joshua atîrî, “Tue tûrî ndungata ciaku.” Nake Joshua nîwacokire akîmaûria atîrî, “Mue mûrî a na muumîte kû?”