2Atha 10:30 - ÎVUKU RÎA ÛVORO MWARO

³⁰ Nake Ngai-Mûnene nîwerire Jehu atîrî, “Nîwîkîte njiarwa cia Ahabu maûndû monthe marîa nendaga wîke, kwoguo nînakwîrîra atî, njiarwa ciaku nginya rûciaro rwa kana nî mageekarîra gîtî Kîam ûthamaki kûu Isiraeli.”

2Atha 10:30 ပူးပေါင်းရင်းမြစ်များ

1Atha 20:42

Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”

1Atha 21:22

Nîngaatûma mûciî waku wîkare ta mûciî wa mûthamaki Jeroboamu mûvîcî wa Nebati na wîkare ta mûciî wa mûthamaki Baasha mûvîcî wa Ahija, nîûndû nîûndakarîtie nîûndû wa gûtûma andû a Isiraeli mevie.’

1Atha 21:29

“Nîwonete ûrîa Ahabu enyivîtie mbere yakwa? Nîûndû nîekîte ûguo, ndikaamûretere ûndû mûcûku ûtûûrorî wake; nwatî ngaarete ûndû mûcûku nyombarî yake vîndî ya ûtûûro wa mûvîcî.”

2Atha 10:35

Jehu nîwakwire na akîthikwa Samaria, nake mûvîcî Jehoahazi agîtuîka mûthamaki vuva wake.

2Atha 13:1

Mwakarî wa mîrongo îîrî na îthatû (23) Joashi mûvîcî wa Ahazia arî mûthamaki wa Juda, Jehoahazi, mûvîcî wa Jehu nîwatuîkire mûthamaki wa Isiraeli na nîwathanire arî Samaria îvinda rîa mîaka îkûmi na mûgwanja. (17)

2Atha 13:10

Mwakarî wa mîrongo îthatû na mûgwanja (37) Joashi arî mûthamaki wa Juda, Joashi, mûvîcî wa Jehoahazi nîwatuîkire mûthamaki wa Isiraeli na nîwathanire arî Samaria îvinda rîa mîaka îkûmi na îtandatû. (16)

2Atha 14:23

Mwakarî wa îkûmi na îtano Amazia, mûvîcî wa Joashi arî mûthamaki wa Juda, Jeroboamu mûvîcî wa Joashi nîwatuîkire mûthamaki wa Isiraeli na nîwathanire arî Samaria îvinda rîa mîaka mîrongo îna na ûmwe (41).

2Atha 14:29

Jeroboamu nîwakwire na akîthikwa mbîrîrarî cia athamaki a Isiraeli, nake mûvîcî Zakaria nîwatuîkire mûthamaki vuva wake.

Hosea 1:4

Nake Ngai-Mûnene nîwerire Hosea atîrî, “Tuîra kaana rîîtwa ûgeete Jezireeli, nîûndû nînîvarîrîtie kûverithia nyomba ya mûthamaki Jehu, nîûndû wa andû arîa aûragîre Kîamndarî Kîam Jezireeli na nthirie ûthamaki wa Isiraeli.

Alawi 26:25

Nîngaarekereria nthû cienyu irûe namue nîguo nîmûverithie nîûndû wa kûrega kûvingia kîrîkanîro gîetû. Na wana mwaûngana vamwe matûûrarî menyu nîguo mûgitîrwe, nî ngaamûtûmîra mûrimû mûcûku mûno wa kûûraga andû eengî mûno gatagatîrî kenyu na nî ngaamûrekereria kûrî nthû cienyu.