2Atha 10:29 - ÎVUKU RÎA ÛVORO MWARO

²⁹ Nwatî Jehu nîwekire wîvia wata ûrîa wekirwe nî Jeroboamu, mûvîcî wa Nefati, ûrîa watûmire andû a Isiraeli mevie na njîra ya gûtûma magooce mîvuanano ya tûcaû twa thaavu îrîa yarî Betheli na Dani.

2Atha 10:29 ပူးပေါင်းရင်းမြစ်များ

Kîam 20:9

Abimeleki nîwacokire agîta Iburahimu na akîmûria atîrî, “Nîkwa ûtwîkire atîa? Nî ûndû ûrîkû mûcûku ngwîkire nîguo ûtûme ndeterwe mathîna nie wana andû arîa mbathaga. Nîûmbîkîte ûndû ûrîa ndagîrîrwe nî gwîkwa.

1Atha 14:16

Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”

2Atha 10:28

Ûguo nîguo Jehu aathiririe ûgooci wa Baali kûu Isiraeli.

2Atha 10:31

Nwatî Jehu ndaathîkîra watho wa Ngai-Mûnene Ngai wa Isiraeli na ngoro yake yonthe. Vandû va ûguo, nîwekire wîvia ta ûrîa wekirwe nî Jeroboamu, ûrîa watûmire andû a Isiraeli mevie.

2Atha 13:11

Wanake nîwevîrie Ngai-Mûnene. Ndaatigana na mevia monthe ma mûthamaki Jeroboamu mûvîcî wa Nefati marîa maatûmire andû a Isiraeli mevie.

2Atha 13:2

Nîwevîrie Ngai-Mûnene na njîra ya gwîka maûndû macûku ta marîa meekagwa nî mûthamaki Jeroboamu mûvîcî wa Nebati ûrîa warî mûthamaki wa Isiraeli mbere yake. Ke ndaatigana na maûndû macûku marîa meekagwa nî Jeroboamu na nîwatûmire andû a Isiraeli mevie.

2Atha 14:24

Nîwekire maûndû marîa mataakenagia Ngai-Mûnene na njîra ya gwîka mawîvia monthe marîa meekagwa nî mûthamaki Jeroboamu mûvîcî wa Nefati ûrîa warî mûthamaki wa Isiraeli mbere yake. Jeroboamu nîwatûmire andû a Isiraeli mevie.

2Atha 15:18

Nîwevîrie Ngai-Mûnene, nîûndû nginya mûthenya ûrîa aakwire, aatwîre ekaga mevia ta marîa meekagwa nî mûthamaki Jeroboamu, mûvîcî wa Nefati marîa maatûmire andû a Isiraeli mevie.

2Atha 15:24

Nîwevîrie Ngai-Mûnene na njîra ya gwîka maûndû macûku ta marîa meekagwa nî mûthamaki Jeroboamu mûvîcî wa Nefati ûrîa watûmire andû a Isiraeli mevie.

2Atha 15:28

Nîwevîrie Ngai-Mûnene na njîra ya gwîka maûndû macûku ta marîa meekagwa nî mûthamaki Jeroboamu, mûvîcî wa Nefati, ûrîa watûmire andû a Isiraeli mevie.

2Atha 15:9

Zakaria nîwekire maûndû marîa mataakenagia Ngai-Mûnene ta marîa meekîtwe nî methe make. Nîwekire mevia ta marîa meekîtwe nî Jeroboamu, mûvîcî wa Nefati, ûrîa watûmire andû a Isiraeli mevie.

2Atha 17:22

Andû a Isiraeli nîmeekire mevia monthe marîa Jeroboamu eekire; matiatigana namo,

2Atha 3:3

Nwatî nîwathiîre na mbere gwîka wîvia ûrîa wekagwa nî Jeroboamu, mûvîcî wa Nebati, ûndû ûrîa watûmire andû a Isiraeli mevie na ndaatigana naguo.

Ntha 32:21

Musa nîwaûririe Aroni atîrî, “Andû aya maragwîkire atîa atî nîguo ûmarekererie meke wîvia mûnene ûguo?”

Ntha 32:4

Aroni nîwocire mindo icio kuuma kûrî o, akîirarûra na mwaki na akîrûtha mûvuanano wa ndegwa ya thaavu nacio. Nao nîmaaugire atîrî, “Andû a Isiraeli îno nîyo ngai yenyu îrîa yamûrutire vûrûri wa Misiri!”

Ezek 23:8

Ndaatiganîria ûmaraa ûrîa aambîrîrie arî Misiri rîrîa aarî mwîrîtu mwîthî. Arûme arîa maamamaga nake nîo maamûcûkîrie wîrîtu wake na makîmûtua mûmaraa.

Hosea 10:5

Andû arîa matûûraga Samaria nîmagaatetema, nîûndû wa njaû ya Bethaveni. Andû a kuo nîmagacakaîra njaû îo, wana athînjîri-Ngai arîa magoocaga ngai cia mûviano nîmakaamînamîrîria, makarîra nîûndû riiri wa njaû îo nîmûthengutie.

Hosea 13:2

Andû a Efiraimu nwa marathiî na mbere kwîvia, nîmarethondekera mîvuano ya sîlûva cia kûgooca, mîvuano îrîa îrûthîtwe na njara ciao na wara wao, cionthe irûthîtwe nî mavundi. Maugaga atîrî, “Irutîreni magongoona!” Andû nîmaramumunya mûviano wa njaû!

1Sam 2:24

Tigani gwîka maûndû mau rîngî anake akwa! Nîûndû ûvoro ûcio nîregua andû a Ngai-Mûnene makîaria îgûrû rîenyu tî mwaro!