2Ath 3:4 - ÎVUKU RÎA ÛVORO MWARO

⁴ Mwathani nîatûmaga tûgîe na mwîvoko îgûrû rîenyu atî nîmwîkaga maûndû marîa twamwîrire na nîmûkûthiî na mbere gwîka wa ûrîa tûkûmwîra.

2Ath 3:4 ပူးပေါင်းရင်းမြစ်များ

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Aroma 15:14

Ariû na aarî a îthe wetû, nie mwene nîmbicî na ma atî nîmwîcûrîtue nî wega na ûmenyo na atî nîmûvotete kûthomithania mue ene.

Aroma 15:18

Ngaaragia tu nîrî na ûmîrîru ûvororî wîgiî ûrîa Kristû ekîte kûrî nie, akandûmîra nîguo andû a Ndûrîrî mathîkîre Ngai na njîra ya ciugo na ciîko ciakwa,

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

1Akor 14:37

Mûndû wa wonthe wîciragia atî ke nî mûrathi, kana atî ke arî na kîveo gîa kîîroho, nîwagîrîrwe nî kûmenya atî nie nîramwandîkîra maûndû marîa mbathîtwe nî Mwathani.

1Akor 7:19

Kûrua kana kûrega kûrua, ûcio tî ûndû ûrî na vata. Ûndû ûrîa ûrî na vata nî kwathîkîra mawatho ma Ngai.

2Akor 2:3

Kîu nîkîo gîatûmire mandîka maarûa îo kûrî mue. Nie ndiendaga gûka kûrî mue na mbîgwithue kîeva nî andû wa arîa magîrîrwe nî gûtûma ngene. Nîrî na ûma atî vîndî îrîa ngenete, wa namue muonthe mûrî akenu.

2Akor 2:9

Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 8:22

Kwoguo nîtûgûtûma mûrû wa îthe wetû wîngî nîguo maûke marî vamwe na Tito. Nîtûgeretie mûrû wa îthe wetû ûcio maita meengî na nîtwonete arî na wendi mûno gûtethia. Na rîu nîûndû wa ûrîa amwîvokete, arî na wendi makîria wa gûka kûmûtethia.

Agal 5:10

Nîrî na mwîvoko atî mûtingîgarûrûka nîûndû tuonthe tûrî na ûrûmwe na Mwathani. Nake mûndû ûrîa ûramûthînia wana ethîrwa ke nû, nî agaatuîrwa nî Ngai.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

1Ath 4:10

Na nîmwîthîrîtwe mwendete ariû na aarî a îthe wetû onthe arîa marî Makedonia kuonthe. Kwoguo twamûthaitha mûthiî na mbere na kûmenda makîria.

2Ath 3:12

Na rîîtwa rîa Mwathani wetû Jesû Kristû, nîtûkwatha andû acio na tûmere atî mekarage na mîtugo mîaro na marutage wîra nîguo meyonagîre kîndû gîa gwîtethia mûtûûrîrerî wao.

2Ath 3:6

Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.

File 1:21

Nîrandîka maarûa îno nîrî na mwîvoko atî we nîûgwîka ûguo nakûria wîke. Nîrî na ma we nîûgwîka wana makîria ya ûguo.