2Ath 3:13 - ÎVUKU RÎA ÛVORO MWARO

¹³ Nwatî mue Ariû na aarî a îthe wetû, mûtîkanoge nî gwîka waro.

2Ath 3:13 ပူးပေါင်းရင်းမြစ်များ

Thaburi 27:13

Nîmbîtîkîtie, atî nîngoona wega wa Ngai-Mûnene nîrî mwoyo.

Zefania 3:16

Mûthenya nîûgaûka rîrîa îtûûra rîa Jerusalemu rîkerwa atîrî, “Ndûkamake, we îtûûra rîa Zayuni! Ndûkareke njara ciaku ithira vinya!

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Luka 18:1

Jesû nîwacokire akîva arutwa ake ngerekano ya kûmonia atî nîmagîrîrwe nî kûvoya vingo cionthe matagûkua ngoro.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

1Akor 15:28

Ngai aiga indo cionthe rungu rwa wathani wa Kristû, Kristû ke mwene nîakeeiga rungu rwa wathani wa Ngai ûrîa waigire indo cionthe rungu rwa Mûriû, nake Ngai nîagaacoka athane maûndûrî monthe.

2Akor 4:1

Tûrî na ûtungata ûyû tûvetwe nî Ngai nîûndû wa ntha ciake, kwoguo tûtingîûrwa nî thayû.

2Akor 4:16

Nîûndû wa gîtûmi gîkî tûtikucaga ngoro. Wana ethîrwa mwîrî ûyû wonekaga nî ûthiîcaga wa ûkîoraga, ûtûûro wetû wa kîîroho nî ûcerûvagua wa mûthenya wa mûthenya.

Gûco 20:8

“Anene acio a athigari a mbaara nîmakaathiî na mbere kwarîria andû mameere atîrî, ‘Kûrî mûndû gatagatîrî kenyu ûregua guoya na atarî na vinya ngoro? Mûndû ûcio nîacoke mûciî, nîûndû avota gûtûma athigari acio engî megue guoya.’

Afil 1:9

Îvoya rîakwa kûrî mue nî atî wendo wenyu ûthiî na mbere kwongerereka, vamwe na ûmenyo wa ma na gûkûûrana maûndû waro,

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

2Ath 3:15

Mûtikamûtue ta nthû yenyu, nwatî mûkanagieni ta arî mûriû kana mwarî wa îthe wetû.

Ahib 12:3

Ta îcirieni ûvoro wake ûcio waûmîrîrie rûmena rûnene kuuma kûrî andû evia. Kwoguo mûtikaûrwe nî vinya kana mûkua ngoro.

Ahib 12:5

Anga nîmûriganîrîtwe nî ciugo cia kûmwîkîra vinya irîa Ngai aragia namue ta mûrî ciana ciake? “Mwana wakwa, thikagîrîria rîrîa ûkûrûngwa nî Mwathani, ndûkaûrwe nî vinya rîrîa agûkûverithia.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.