2Ath 2:2 - ÎVUKU RÎA ÛVORO MWARO

² mûtikagague meciriarî kana mûmakue nî andû mûkîragwa atî mûthenya wa Mwathani nî mûkinyu. Nwa kwîthîrwa o meciragia atî twamwîrire maûndû mama vîndî îrîa twarathaga na twamûvunjagîria kana atî nîkwa twamwandîkîre maarûa.

2Ath 2:2 ပူးပေါင်းရင်းမြစ်များ

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 7:2

Rîrîa mûthamaki wa Juda aamenyithirue atî, andû a Sîria nî manyitanîrîte na andû a Isiraeli, ke na andû ake onthe nîmaanyitirwe nî guoya nyîngî nginya makinaina ta ûrîa mîtî ya kîthakarî inainagua nî rûkûngi.

Mika 2:11

Ethîrwa mûndû nwa athiî akîaragia maveeni, akiugaga atî, ‘Nîmûrathagîra atî ndivei na njovi nîciîthîrwa irî nyîngî,’ mûvunjia ta ûcio nîke andû aya mangîenda.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Maariko 13:7

Na rîrîa mûkeegua mûrurumo wa mbaara vakuvî namue, kana ûvoro wa mbaara îrîa îgaaûka, mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî.

Luka 21:19

Ûmîrîriani na nîmûkaavonokia mîoyo yenyu.

Luka 21:9

Rîrîa mûkeegua ûvoro wa mbaara kana mbûkanîrîro mûtigetigîre, nîûndû maûndû mau nwa nginya mambe mekîke nwatî ûguo tî kuga atî îvinda rîrî vakuvî.”

Johana 14:1

Jesû nîwamerire atîrî, “Tigani gûtangîka ngororî cienyu. Îtîkiani Ngai na wa nanie mûmbîtîkie.

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

1Akor 14:32

Kîveo gîa kûvunjia ndûmîrîri ya Ngai Kîamgîrîrwe nî gûtongorua nî ûrîa wî nakîo.

1Akor 7:26

Kwoguo nîûndû wa ûrîa andû maragiîka rîu, nîreciria nî waro wa mûndû ekare wa ûguo ekarîte.

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

1Ath 3:3

nîguo gûtikagîe mûndû wana ûmwe wa cienyu ûgûcoka na vuva nîûndû wa mînyamaaro îno. Mue ene nîmwîcî atî mînyamaaro ta îo nî gîcunjî kîmwe Kîam wendi wa Ngai kûrî tue.

1Ath 4:15

Maûndû mama tûramûthomithia nî ndûmîrîri ya Mwathani, nîûndû tue arîa tûkethîrwa tûrî mwoyo rîrîa Mwathani agaaûka, tûtikaathiî mbere ya arîa maakuire.

1Ath 5:2

Nîûndû nîmwîcî waro atî Mwathani agaaûka gûtarî mûndû ûkûmwîrîgîrîra wata ûrîa mwîi aûkaga ûtukû.

2Ath 2:15

Kwoguo ariû na aarî a îthe wetû, îkaragani mwîkindîrîtie na mûnyitîte mûno maûndû marîa twamûthomithirie na njîra ya kûmûvunjîria na ya maarûa îrîa twamwandîkîre.

2Ath 3:17

Nie Paûlo nîrandîka ngethi ino na njara ciakwa. Ûguo nîguo mandîkaga rîîtwa rîakwa maarûarî ciakwa cionthe.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.